Bay relasyon w gen ak Jewova a anpil valè

Temwen Jewova yo gen yon privilèj espesyal. Antanke kretyen ki vwe Jewova lavi nou e ki batize, nou chak kontinye chèche gen yon relasyon solid ak Jewova, Seyè ki Souvren an. Li rale nou vin jwenn li pa mwayen Pitit Gason l lan (Jan 6:44). Li koute priyè nou yo. — Sm 34:15.

Ki jan nou ka pwoteje relasyon nou gen ak Jewova a ki gen anpil valè? Pou n fè sa, nou dwe evite fè move bagay Izrayelit yo te konn fè yo. Yon ti tan apre yo te fin fè yon alyans ak Jewova, yo te fè yon ti bèf annò e yo te tonbe adore l (Eg 32:7, 8; 1Ko 10:7, 11, 14). Nou ka mande tèt nou: ‘Ki jan m reyaji lè m jwenn tantasyon pou m fè sa ki mal? Èske aksyon m yo montre m bay relasyon m gen ak Jewova a anpil valè?’ Gwo lanmou nou gen pou Papa nou ki nan syèl la ap ede nou kouri pou bagay li rayi yo. — Sm 97:10.

GADE VIDEYO KI GEN TIT PWOTEJE RELASYON W AK JEWOVA (KL 3:5), EPI REPONN KESYON KI ANNAPRE YO:

• Ki sa tanta ye?

• Poukisa nou dwe rejte avaris ak idolatri?

• Ki rapò ki gen ant adiltè ak idolatri?

• Poukisa moun ki gen responsablite nan òganizasyon an espesyalman dwe asire yo yo pran swen konjwen yo?