Ezayi
15 Men yon mesaj kont Mowab+:
Paske yo ravaje l nan yon sèl nuit,
Yo fè moun nan vil A+ yo nan peyi Mowab fèmen bouch yo.
Paske yo ravaje l nan yon sèl nuit,
Yo fè moun nan vil Ki+ yo nan peyi Mowab fèmen bouch yo.
2 Mowab monte al nan tanp lan e li monte Dibon+,
L al kote ki wo yo pou l kriye.
3 Nan ri ki ladan l yo, moun yo met rad sak sou yo.
Yo tout pran rele sou do kay yo ak sou plas piblik yo,
Yo desann ak dlo nan je+.
4 Esbon ak Eleyale+ pran rele,
Moun tande vwa yo jis Jahaz+.
Se sa k fè sòlda Mowab yo kontinye ap rele.
Moun nan nasyon an pran tranble.
5 Mwen kriye nan kè m pou Mowab.
Moun ki kouri kite l yo rive jis Sowa+ ak Eglatchelichiya+.
Yo monte pant Loukit ak dlo nan je,
Yo pran kriye byen fò nan wout ki mennen Owonayim nan akoz dezas ki rive a+.
6 Paske, dlo Nimrim nan seche nèt,
Zèb yo vin sèch,
Zèb yo disparèt, e pa gen okenn plant vèt ki rete.
7 Se sa k fè yo pote sa k ret nan depo yo ak richès yo genyen yo ale.
Yo travèse vale ki gen pye pepliye yo.
9 Dlo Dimon an plen san,
E men sa m sere ankò pou Dimon:
Yon lyon ap atake moun Mowab ki chape yo
Ak moun ki rete nan peyi a+.