Tib Neeg Coob Zuj Zus Ua Neej Kho Siab Khuav​—⁠Yuav Ua Li Cas Koj Thiaj Tsis Kho Siab?

• “Ib nrab ntawm cov poj niam txiv neej uas nyob teb chaws U.S.A. hais tias lawv kho siab. Feem coob yog cov muaj 18 txog 25 xyoos.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Lub koom haum World Health Organization] tshaj tawm tias lawv tsa tau ib pab neeg los tshawb nrhiav txog kev kho siab vim yog ib qho teeb meem uas ua rau tib neeg muaj txiab xeeb txiab nkees. Pab no yuav nrhiav kev los txhawb kom tib neeg muaj kev sib cog phooj ywg. Tsis tas li ntawd, lawv kuj yuav nrhiav kev los pab cov nyob tej lub teb chaws vam meej thiab tsis vam tib si kom tib neeg tsis txhob nyob twm zeej kho siab khuav xwb.”​—World Health Organization, lub 11 Hlis tim 15, 2023.

Phau Vajlugkub qhia tias peb yuav tsum muaj kev sib raug zoo nrog lwm tus li cas xwv peb thiaj tsis kho siab.

Tej hauv paus ntsiab lus hauv phau Vajlugkub pab tau koj

Txhob ua tej yam uas cais koj ntawm lwm tus. Xws li, pheej saib tej vej xaij zeem phooj ywg xwb. Cia li nrog lwm tus ua ke tim ntsej tim muag, koj thiaj nrhiav tau cov tseem phooj ywg.

• Vajlugkub tej hauv paus ntsiab lus: “Tus tseem phooj ywg hlub koj txhua lub sij hawm, thiab yog tus kwv tij uas yug los pab koj thaum raug kev nyuaj siab.”​—Paj Lug 17:17.

Nrhiav kev pab lwm tus. Yog peb ua tej yam zoo pab rau lwm tus, peb txoj kev sib raug zoo yuav haj yam ruaj khov thiab tseem yuav ua rau peb zoo siab dua.

• Vajlugkub tej hauv paus ntsiab lus: “Thaum yus pub rau luag, yus zoo siab dua li thaum luag pub rau yus.”​—Tes Hauj Lwm 20:35.

Mus saib peb lub vej xaij seb phau Vajlugkub qhia li cas ntxiv txog kev zeem tej phooj ywg zoo.