Tej Qauv Zoo
◼ Australia: John yog ib tug uas kawm ntawv siab heev. Thaum nws tseem yau, nws kuj mus tshawj (church) thiab tiamsis tom qab no nws tsis ntseeg tias muaj Vajtswv. Ib tug tho kev tau muab phau ntawv me Was Life Created? rau nws, thiab muaj ib zaug tus tho kev rov muab phau Origin of Life rau John. Tus tho kev kuj nqa phau The Watchtower thiab Awake! tawm tshiab uas muaj tej ntsiab txog tej Vajtswv tsim thiab tej lus faj lem hauv phau Vajlugkub uas nws xav tias John yuav nyiam rau John. Thaum tus tho kev pom tias John nyiam lawd, nws thiaj muab phau The Bible—God’s Word or Man’s? rau John. Thaum John nyeem tas, nws thiaj hais tias nws ntseeg tias muaj Vajtswv tiamsis tibneeg mus cuag tsis tau Vajtswv. Yog li ntawd, tus tho kev thiaj muab phau Vajlugkub Qhia rau John thiab nthuav rau sab 23 nqe 8 thiab sab 26-28 nqe 13-16. Thaum John nyeem cov nqe Vajlugkub ntawd raug nws siab kawg li, nws thiaj hais tias, “Tej zaum kuv yuav tsum kawm phau Vajlugkub dua.”
◼ Mexico: Muaj ib tug txivneej tau hais rau tus kwvtij tias nws tsis ntseeg tias phau Vajlugkub yog Vajtswv txojlus. Tus kwvtij thiaj hais tias nws yuav muab tej pov thawj uas qhia tias phau Vajlugkub yog Vajtswv txojlus los qhia tus txivneej ntawd. Tom qab nkawd tham ob peb zaug lawm, tej nws tau kawm hauv phau Vajlugkub thiaj raug nws siab heev. Qhov uas raug nws siab tshaj yog thaum nws kawm txog Vajtswv tej kevcai. Nws hais rau tus kwvtij tias: “Thaum wb xub nyeem phau Vajlugkub, tsuas zoo li nyeem lwm phau ntawv xwb. Tiamsis tshwj xeeb heev, zaum no wb nyeem phau Vajlugkub txog tej lus qhuab ntuas kom coj zoo, mas raug kuv siab kawg li.”
◼ United States: Thaum ob niam txiv mus teeb rooj qhia Vajlugkub rau hauv nroog loj, nkawd ntsib ib tug pojniam uas tuaj tebchaws Taiwan tuaj. Tus pojniam kuj ntseeg Vajtswv thiab tiamsis nws xav tias phau Vajlugkub tsuas yog cov neeg tawv dawb phau xwb. Tus pojniam pom tias txawm nws lub neej twb zoo heev lawm los tsis muaj hauv paus hauv ntsis li, nws thiaj li los rau ntawm nkawd lub rooj. Nws cia siab tias phau Vajlugkub yuav pab nws nrhiav tau lub neej muaj hauv paus hauv ntsis. Ob niam txiv ntawd thiaj siv phau Vajlugkub Qhia thiab phau ntawv me Lasting Peace and Happiness—How to Find Them los qhia nws. Lawv tsis kawm tshooj 2 hauv phau Vajlugkub Qhia tiamsis lawv mus kawm hauv phau ntawv me zaj “A Guidebook for the Blessing of All Mankind.” Tom qab lawv kawm nqe 6 tas, tus pojniam qhuas tias phau Vajlugkub yog ib phau zoo tshaj lwm txojkev ntseeg tej ntaub ntawv. Thiab tom qab lawv kawm tas tej lus faj lem uas twb muaj tiav lawd, nws tau hais tias “Tsis muaj ib phau ntawv twg uas hais tseeb npaum li phau Vajlugkub.”
◼ Nyiv Pooj: Muaj ib tug tswv tsev tau hais rau ib tug kwvtij tias nws tsis ntseeg Vajtswv tiamsis tus kwvtij pheej rov mus xyuas nws tsis tseg, thiab mus qhia nws txog lub ntsiab “Was It Designed?” hauv phau Awake! Ces ntev mus ntev tuaj, tus tswv tsev thiaj li xav tias tej zaum yuav tsum muaj ib tug Tswv Tsim tiag. Tamsim no tus tswv tsev thiaj ntseeg tias muaj Vajtswv, thiab nkawd tabtom kawm phau ntawv me Vajtswv Muaj Xov Zoo Rau Peb!
◼ Canada: Ib tug muam tau muab phau The Watchtower thiab Awake! uas tawm tshiab rau ib tug pojniam uas tabtom tawm hauv tsev mus hauv tsheb. Thaum tus muam rov qab mus xyuas tus pojniam ntawd, tus pojniam hais kiag rau tus muam tias nws tsis nyiam thiab tsis ntseeg Vajtswv. Txawm li ntawd los tus muam kuj rov mus xyuas nws thiab tseem nqa tau phau ntawv me A Satisfying Life—How to Attain It mus rau nws. Thaum tus muam ntawd rov mus pom tus pojniam nyob tsev, nws thiaj hais rau tus pojniam tias nws yeej paub tus pojniam tsis nyiam tiamsis nws xav ntsoov txog tus pojniam vim nws paub tias tus pojniam ntawd tsis muaj txiv. Nws nthuav phau ntawv me rau sab 4 nqe 6 uas tham txog seb yuav nrhiav tej kev qhuab qhia uas zoo qhov twg los. Ces nws txhawb kom tus pojniam mus nyeem tej lus qhuab qhia nyob rau hauv zaj kawm 2 uas hais txog tu tub tu kiv. Tus pojniam thiaj zoo siab hlo txais phau ntawv mus.