Npaj Tej Lus Teb Thiaj Txhawb Tau Lwm Tus

Tom peb tej kev sib txoos, peb muaj lub cib fim tsa tes teb kom thiaj txhawb tau peb cov kwv tij nkauj muam txoj kev ntseeg. (Henplais 10:24, 25) Yuav ua li cas peb thiaj npaj tau peb tej lus teb kom txhawb tau lwm tus lub zog?

• Thov Yehauvas. Thov kom Yehauvas pab koj npaj tej lus teb uas qhuas nws thiab pab txhawb tau lwm tus.​—Phau Ntawv Nkauj 35:18.

• Teb tawm hauv nruab siab tuaj txhob nyeem tej lus nyob hauv ntaub ntawv xwb. Yog koj teb tawm hauv nruab siab tuaj ces yuav ua rau lwm tus pom koj txoj kev ntseeg rau Yehauvas.

• Txhob teb ntev ntev. Teb ob peb lo kom raug lub ntsiab yuav txhawb tau lwm tus dua thiab yuav muaj sij hawm rau lwm tus teb lwm yam ntxiv.​—Pajlug 10:19.

• Hais lus txhawb zog. Txhob hais tej lus ntuas lus thuam lub koom txoos thiab cov kwv tij nkauj muam.

Yog koj tsa tes teb es tus kwv tij tsis hu koj los, koj yeej tseem muaj lub cib fim txhawb tau lwm tus. Ua tib zoo mloog lwm tus cov lus teb, tom qab kev sib txoos koj thiaj mus qhia tau rau lawv paub tias koj nyiam dab tsi txog lawv cov lus teb.​—Pajlug 10:21.