Mana-ees Saib Yehauvas Tes Hauj Lwm Tseem Ceeb Heev

Mana-ees yog ib tug ntawm cov kwv tij uas saib xyuas lub koom txoos hauv lub nroog Athi-aus nyob rau thawj 100 xyoo. Nws “nrog tus nom Helauj kawm ntawv ua ke.” (Tes Hauj Lwm 13:1) Yog li ntawd, nws kuj tau kawm txawj kawm ntse thiab tej zaum nws tsev neeg muaj txiag nplua nuj.

Txawm nws lub neej zoo li no nws kuj xaiv los raws Yexus qab thiab txhawb nqa lub koom txoos. Tsis tas li ntawd, nws kuj tsis xav hais tias nws muaj hwj chim dua lwm tus tiam sis nws rau siab ntso pab cov kwv tij nkauj muam.

Mana-ees tus yam ntxwv qhia tau tias teev tiam Yehauvas tseem ceeb dua li caum tej kev vam meej hauv lub qab ntuj no. Nco ntsoov tias peb yuav tau coj ib yam li Mana-ees es saib txoj kev teev tiam Yehauvas tseem ceeb dua li muaj txiag nplua nuj los sis muaj koob nto npe. (Mathais 6:33) Txawm yog peb saib taus qhov uas mus kawm ntawv qeb siab los peb “paub tias yam twg yog yam uas tseem ceeb dua ntais” es tsis txhob cia ib yam dab tsi tab kaum qhov uas peb teev tiam Yehauvas.​—Filipis 1:9, 10.