Koj Yeej Yuav Paub Qhia Vajlugkub

Thaum Yehauvas muab ib tes haujlwm rau Mauxes ua, Mauxes xav tias nws ua tsis tau. (Khiav Dim 4:10, 13) Koj puas xav tib yam li Mauxes thiab? Yog tias koj tabtom kawm Vajlugkub nrog Yehauvas Cov Timkhawv, muaj ib hnub koj yuav tau mus tshaj tawm. Tej zaum koj yuav xav tias koj yuav ua tsis tau. Hos yog tias koj yog ib tug hluas, tej zaum koj kuj txaj muag qhia Vajlugkub tom tsev kawm ntawv. Tsis tas li ntawd, tej zaum koj txaj muag mus qhia Vajlugkub rau tej chaw uas muaj neeg coob dua kev lossis txaj muag siv xov tooj qhia Vajlugkub. Txawm li cas los, thov Yehauvas pub nws lub hwj huam dawb huv pab koj. (1 Petus 4:11) Txhob txhawj, tso siab tias Yehauvas yeej yuav pab koj ua nws tes haujlwm kom tiav.​—Khiav Dim 4:11, 12.

SAIB ZAJ YEEB YAJ KIAB MUAJ LUB SIAB TUAB . . . COV TSHAJ TAWM, TOM QAB NTAWD TEB COV LUS NUG NO:

• Haruka txhawj txog dabtsi?

• Nws ua li cas nws thiaj tsis txhawj lawm?—Yelemis 20:7-9

• Qhov uas nws ua haujlwm ntxiv rau Yehauvas, pab tau nws li cas?

• Thaum koj mus tshaj tawm, puas muaj tej yam uas koj xav kom Yehauvas pab koj?