Lus Tshaj Tawm

◼ Yuav tseb phau ntawv twg? Lub 4 Hlis: Phau Qhov Tseeb Txog Yexus Khetos. Lub 5 Hlis thiab 6 Hli: Phau Vajlugkub Qhia Txog Dabtsi Tiag?, Kuv Phau Ntawv Txog Phau Vajlugkub, lossis cov ntawv tseb no: Koj Xav Li Cas Txog Phau Vajlugkub?, Koj Puas Tau Xav Txog Lub Neej Tom Hauv Ntej?, Yuav Ua Li Cas Tsev Neeg Thiaj Muaj Kev Zoo Siab?, Leejtwg Yog Tus Kav Lub Ntiajteb?, lossis Kev Txom Nyem Puas Yuav Muaj Hnub Kawg? Lub 7 Hli: Siv phau Vajtswv Muaj Xov Zoo Rau Peb!, phau Mloog Vajtswv Lus, lossis phau Mloog Vajtswv Lus koj thiaj Muaj Sia Nyob Mus Ib Txhis.

◼ Lub lim tiam ua ntej lub rooj sib txoos loj lossis lub rooj sib txoos rau ntau tebchaws, yuav tau muab txojkev sib txoos hloov los kawm tej zaj uas hais txog lub rooj sib txoos uas nyob daim Tes Num Rau Lub Nceeg Vaj rau lub 4 Hlis no thiab tej uas nyob tsab ntawv uas lub koom haum tau sau rau cov koom txoos thaum lub 8 Hli tim 3, 2013. Tsab ntawv ntawd pab kom sawvdaws paub xyuam xim thaum mus tej kev sib txoos. Ib ob hlis tom qab lub rooj sib txoos, kuj siv tau lub sijhawm uas tham txog tej uas lub koom txoos cheem tsum los tham txog lub rooj sib txoos seb pab tau sawvdaws ua Vajtswv tes num li cas.

◼ Cov nkauj pib thiab xaus phau The Watchtower tau muab hloov li nram no. Cia peb siv sijhawm los kawm cov ntsiab lus nyob hauv cov nkauj thiab xyaum kom txawj hu cov nkauj no.

Lub 4 Hlis tim 14, muab zaj 5 hloov zaj 109, muab zaj 17 hloov zaj 100.

Lub 4 Hlis tim 21, muab zaj 23 hloov zaj 60, hu zaj 51 li qub.

Lub 4 Hlis tim 28, muab zaj 51 hloov zaj 91, muab zaj 18 hloov zaj 63.

Lub 5 Hlis tim 5, muab zaj 29 hloov zaj 61, hu zaj 25 li qub.