Ua Qauv Qhia

Mus Pib Kawm Vajlugkub Nrog Tibneeg Thawj Hnub 6 Lub 3 Hlis

“Wb tuaj nrog sawvdaws tham txog ib yam uas yuav muaj tshwm sim rau lub 4 Hlis tim 14 uas yuav los no. Hnub ntawd yog hnub uas ua kevcai nco txog Yexus. Ib txhia ua kevcai nco txog Yexus rau qhov lawv ntseeg tias Yexus txojkev tuag yog ib yam uas tseem ceeb heev rau lawv. Tiamsis kuj muaj ib txhia tsis ntseeg li ntawd. Koj xav, yog vim li cas es Yexus ho raug tsim txom thiab raug tua txom nyem ntsuav?” Cia nws teb tas tso. Nthuav phau ntawv Qhov Tseeb Txog Yexus Khetos mus rau sab 6 es tham lo lus nug 2. Tom qab ntawd, muab phau ntawv rau nws.

The Watchtower Lub 3 Hlis Tim 1

“Coob leej xav tias yog vim li cas Vajtswv thiaj tsis tshem tej kev txom nyeem kev tsis ncaj ncees hauv lub ntiajteb no mus. Koj xav puas yog Vajtswv tsis mob siab tibneeg lossis xav kom tibneeg raug kev txom nyem? [Cia nws teb tas tso. Ces mus nyeem Yauhas 3:16.] Nqe Vajlugkub no pab tau coob tus pom tias Vajtswv mob siab tibneeg heev, tiamsis lawv tsis paub tias Yexus txojkev tuag pab tau lawv li cas. Phau The Watchtower no qhia tias Yexus txojkev tuag pab tau tibneeg dim tej kev txom nyem kev tsis ncaj ncees li cas.”

Awake! Lub 3 Hlis

“Wb tuaj nrog sawvdaws tham txog ib nqes Vajlugkub uas coob leej to taub yuam kev. [Nyeem Chiv Keeb 1:⁠1.] Ib txhia ntseeg tias txhua yam hauv lub qab ntuj no yuav tsum muaj tus tsim li nqe Vajlugkub no hais, tiamsis kuj muaj ib txhia tsis ntseeg li ntawd. Kuv xav nug koj seb koj ho xav li cas txog qhov no? [Cia nws teb tas tso.] Coob leej tsis ntseeg tias muaj ib tug tsim txhua yam vim cov thawj coj ntawm tej kev ntseeg tsis qhia raws li phau Vajlugkub qhia. Phau Awake! no piav tau zoo heev tias txhua yam hauv lub qab ntuj no yog tshwm sim los li cas tiag.”