Lus Tshaj Tawm

Yuav tseb phau ntawv twg? Lub 2 Hlis: Phau Vajtswv Muaj Xov Zoo Rau Peb!, phau Mloog Vajtswv Lus, lossis phau Mloog Vajtswv Lus koj thiaj Muaj Sia Nyob Mus Ib Txhis. Lub 3 Hlis thiab 4 Hlis: Phau The Watchtower thiab Awake! lossis phau Qhov Tseeb Txog Yexus Khetos. Lub 5 Hlis: Phau Vajlugkub Qhia Txog Dabtsi Tiag? lossis cov ntawv tseb no: Koj Xav Li Cas Txog Phau Vajlugkub?, Koj Puas Tau Xav Txog Lub Neej Tom Hauv Ntej?, Yuav Ua Li Cas Tsev Neeg Thiaj Muaj Kev Zoo Siab?, Leejtwg Yog Tus Kav Lub Ntiajteb?, lossis Kev Txom Nyem Puas Yuav Muaj Hnub Kawg?

Lub 5 Hlis tim 9, 2014, cov tsev Npe-ee hauv New York yuav tsis qheb rau sawvdaws tuaj ncig thiab rau cov koom txoos tuaj nqa ntawv, rau qhov hnub ntawd yog hnub tu tsev. Thiab lub 4 Hlis tim 14, 2014 los yuav tsis qheb rau sawvdaws tuaj ncig rau qhov hnub ntawd yog hnub ua kevcai nco txog Yexus.

Zaj lus qhuab qhia tshwj xeeb rau xyoo 2014 hu ua “Vim Li Cas Vajtswv Cia Muaj Kev Limhiam?”

Thaum mus teeb rooj thiab laub qhia Vajlugkub rau ib zej tsoom sawvdaws, tsis txhob muab phau Vajlugkub tso rau saum rooj lossis saum laub rau tibneeg nqa. Yog tibneeg nug txog lossis muaj cov uas xav kawm Vajlugkub tiag, mam li muab rau cov ntawd xwb.

Lub 3 Hlis yog ib lub hlis zoo ua ib tug pab tho kev rau qhov lub hli ntawd muaj ntau hnub so.

Cov nkauj pib thiab xaus phau The Watchtower tau muab hloov li nram no. Cia peb siv sijhawm los kawm cov ntsiab lus nyob hauv cov nkauj thiab xyaum kom txawj hu cov nkauj no.

Lub 2 Hlis tim 10, hu zaj 40 li qub, muab zaj 28 hloov zaj 75.

Lub 2 Hlis tim 17, muab zaj 5 hloov zaj 109, hu zaj 18 li qub.

Lub 2 Hlis tim 24, muab zaj 30 hloov zaj 99, hu zaj 8 li qub.

Lub 3 Hlis tim 3, muab zaj 27 hloov zaj 106, hu zaj 46 li qub.