Pib Lub 2 Hlis Tim 3

PIB LUB 2 HLIS TIM 3

Lub Koom Txoos Kev Kawm Vajlugkub:

Kev Kawm Tshaj Tawm:

Nyeem cov nqe Vajlugkub: Chiv Keeb 21-24 (10 feeb)

Zaj 1: Chiv Keeb 23:1-20 (4 feeb xwb)

Zaj 2: Cov Menyuam Tub Yixayee Siv Cov Nqe Hauv Ntawv Nkauj 118 Los Qhuas Yexus Thaum Nws Mus Hauv Lub Tuam Tsev. Cov Hluas Yuav Xyaum Cov Menyuam No Li Cas?—my 97 muaj lus nug ntxiv 1(b) (5 feeb)

Zaj 3: Raws Li Phau Vajlugkub Qhia, Lub Cuab Lub Yig Pib Li Cas, Thiab Vim Li Cas Peb Ntseeg Tau Tias Tej Uas Phau Vajlugkub Qhia Txog Muaj Tseeb Tiag?—bh tshooj 14 ¶3-4 (5 feeb)

Kev Kawm Ua Vajtswv Tes Num:

Hu Zaj Nkauj 54

10 feeb: Tseb Phau The Watchtower Thiab Awake! Rau Lub 2 Hlis. Lus qhuab qhia thiab lus teb. Siv cov qauv ntawm sab no los ua yeeb yam seb yuav tseb 2 phau ntawv no li cas. Ua zoo nyeem tag nrho cov qauv ib qho zuj zus, nyeem ib ob kab zuj zus mus, thiab kom sawvdaws teb seb cov qauv lub ntsiab yog li cas. Qhia sawvdaws tias lawv tsis tas yuav hais raws nraim cov qauv no. Yog lawv xav ntxiv lus rau qhov twg los tau lossis xav hais lawv ib zaj txawv los kuj tau thiab. Txhawb kom sawvdaws nyeem 2 phau ntawv no thiab kub siab coj mus tseb.

10 feeb: Tej uas lub koom txoos cheem tsum.

10 feeb: Nej Yuav Saib Lawv Cov Txiv Zoo Li Cas Thiaj Paub Lawv. Lus qhuab qhia thiab lus teb. Kom sawvdaws piav seb tej cwj pwm hais hauv phau Vajlugkub nyob hauv qab no yog tej cwj pwm zoo li cas. Txhua lo lus muaj 2 nqes Vajlugkub, thawj nqe tham txog lo lus, nqe tom qab tham txog tus yeeb yam uas zoo tsis thooj li thawj nqe. Yog muaj sijhawm, siv tej qauv hauv phau Vajlugkub los qhia seb peb yuav ua li cas thiaj zam tau tej cwj pwm phem. (Tus uas cev zaj no yuav tsum paub cov nqe Vajlugkub ntawd kom zoo xwv nws thiaj piav tau lub ntsiab. Siv cov nqe Vajlugkub uas yuav pab tau lub koom txoos los tham. Tej zaum sijhawm tsuas txaus tham li peb plaub tug cwj pwm xwb.)

Kev txhawj xeeb (Mk. 4:19; 1Tmt. 6:8); Cib nyeej (Yknp. 3:14-16; Loos 12:18); Khav theeb (Klt. 5:26; Flp. 2:3); Tub nkeeg (P.L. 21:25; Loos 12:11); Qw ua nqaj ua nqug (Klt. 5:21; Flp. 4:8).

Dawb huv (2Khl. 11:3; Efx. 5:5); Sib txhawb zog (Loos 1:11, 12; 1Khl. 10:10); Tos txais qhua (1Pt. 4:9; Hnpl. 13:5); Lub siab zam xeeb (Tit. 3:2; 1Pt. 2:15).

Hu Zaj Nkauj 25 thiab Thov Vajtswv