Cov Ntawv Rhais Ntawm Phab Ntsa

Hauv lub Tsev Nceeg Vaj, cov kwvtij muab tej xov xwm tshiab lossis tej yam uas hloov li cas rhais ntawm phab ntsa. Yog li ntawd, cov txwj laus, cov tub leg num, thiab cov kwvtij nkauj muam ib txhia thiaj pheej mus saib cov ntawv rhais ntawm phab ntsa seb lawv puas muaj haujlwm dabtsi ua. Tiamsis zoo rau peb txhua leej txhua tus mus saib cov ntawv ntawd thiab. Koj puas paub pab twg yuav tu lub Tsev Nceeg Vaj? Koj puas paub tias tus kwvtij uas saib xyuas thaj tsam yuav tuaj saib koj lub koom txoos rau thaum twg? Koj puas xav nyeem tej xov xwm tseem ceeb uas Npe-ee xa tuaj? Koj puas xav paub lub ntsiab uas tus kwvtij yuav qhia lub lim tiam no, xwv koj thiaj paub caw cov neeg uas koj qhia Vajlugkub rau? Cov txwj laus puas tau muab pawg uas koj sib txoos mus qhia Vajlugkub hloov li cas? Tag nrho tej no muab rhais rau ntawm phab ntsa. Cov kwvtij yuav tsis tshaj tawm saum sam thiaj ntxiv lawm. Tej zaum cov txwj laus yuav tsis muaj sijhawm qhia rau ib tug zuj zus txog tej no. Yog li ntawd, tseem ceeb heev rau peb nyias mus saib nyias ntawm phab ntsa. Yog peb nco ntsoov saib li ntawd, ces peb yuav “ua txhua yam raws li tsim nyog ua thiab raws li txoj kevcai.”​—1Khl. 14:40.