“Yuav Tseb Phau The Watchtower Thiab Awake! . . . Li Cas?”

Txhua lub hlis peb muaj ib zaj kawm seb yuav tseb phau The Watchtower thiab Awake! li cas. Puas yog peb yuav siv zaj no los tham txog txhua yam hauv 2 phau ntawv no? Tsis yog. Lub ntsiab rau zaj no yog kom sawvdaws tuav tswvyim seb yuav tseb phau The Watchtower thiab Awake! li cas. Raws li daim Tes Num tau qhia, tus kwvtij tsuas siv 1 feeb xwb los txhawb kom sawvdaws siv 2 phau ntawv no. Tom qab ntawd nws mam nug seb sawvdaws yuav qhia thawj lub ntsiab loj ntawm lub khaum li cas. Tham phau The Watchtower ua ntej, ces mam li tham phau Awake! ua qab. Yog tias nws nug ib phau zuj zus ces sawvdaws thiaj caum cuag, thiab cim tau cov lus nug uas lawv xav siv. Thaum nws caw kom sawvdaws teb, nws yuav tsum xub nug seb cov kwvtij xav siv tej lus nug zoo li cas thiaj phim koog uas lawv qhia. Tom qab ntawd, nws mam li nug seb zoo nyeem nqe Vajlugkub twg thiab. Thaum tham 2 phau ntawv no tas lawm, mam li ua 2 qho yeeb yam seb yuav tseb li cas. Peb txhawb kom nej sawvdaws nyeem 2 phau ntawv no ua ntej, nej thiaj paub teb. Yog tias peb txhua tus ua tib zoo npaj li tau nkaw tseg, ces thaum peb tham zaj no, peb ib leeg yuav qhia tau ib leeg ntse.​—P.L. 27:17.