Yadda Za Mu Iya Fahimtar Kwatanci da Dama da Ke Littafi Mai Tsarki

Sau da yawa Littafi Mai Tsarki yakan yi amfani da kwatanci wajen bayyana abubuwa. (Mat. 13:13) Mene ne zai taimaka mana mu iya fahimtar kwatancin da ke Littafi Mai Tsarki? Abubuwan da aka ambata a gaba za su iya taimaka mana:

• Ka gane abin da ake magana a kai da kwatancin da aka yi. Alal misali, a Ruꞌuyar da Aka Yi wa Yohanna 3:​3, an kwatanta zuwan Yesu da zuwan ɓarawo. Abin da ake magana a kai shi ne zuwan Yesu, kuma an kwatanta shi da zuwan ɓarawo.

• Ka yi tunani a kan alaƙar da ke tsakanin batun da kwatancin da aka yi. Ka yi ƙoƙari ka fahimci alaƙar da ke tsakanin abin da ake magana a kai da kuma kwatancin da aka yi.

• Ka tabbata cewa ka fahimci gaskiyar batun. A wasu lokuta, mutum zai iya yi wa kwatancin da aka yi bahaguwar fahimta. Alal misali, a kwatancin da aka yi a Ruꞌuyar da Aka Yi wa Yohanna 3:3 da aka ambata ɗazu, Yesu zai zo ba don ya saci wani abu ba. A maimakon haka, Yesu zai zo ne a lokacin da mutane ba su yi tsammani ba kamar yadda ɓarawo yake yi.