Ta Yaya ’Yan’uwa Mata Za Su Biɗi Ƙarin Aiki?

’Yan’uwa mata suna taimakawa sosai a ayyukan da suka shafin wa’azi game da Mulkin Allah. (Za 68:11) Suna nazarin Littafi Mai Tsarki da mutane da yawa. Su suka fi yawa a cikin masu hidimar majagaba na kullum. ’Yan’uwa mata da yawa suna hidima a Bethel, da wa’azi a ƙasashen waje, da aikin gine-gine na gida da na ƙasashen waje, da kuma fassara. ’Yan’uwa mata da suka manyanta suna ƙarfafa iyalinsu da kuma ikilisiya. (K. Ma 14:1) Ko da yake ’yan’uwa mata ba za su iya zama dattawa ko bayi masu hidima ba, za su iya kafa maƙasudai. A waɗanne hanyoyi ne ’yar’uwa mata za su iya biɗan ƙarin aiki?

• Ku riƙa nuna halayen masu kyau da za su ƙarfafa dangantakarku da Jehobah.​—1Ti 3:11; 1Bi 3:3-6

• Ku taimaka wa ’yan’uwa mata da ba su manyanta ba tukuna.​—Tit 2:3-5

• Ku riƙa yin wa’azi sosai kuma ku inganta yadda kuke yin wa’azi

• Ku koyi wani yare

• Ku je hidima a wuraren da ake bukatar masu shela

• Ku cika fom na yin hidima a Bethel ko kuma taimaka da gina wuraren ibada

• Ku cika fom na Makarantar Masu Yaɗa Bisharar Mulki

KU KALLI BIDIYON NAN ‘MATA MASU HIDIMAR UBANGIJI DA ƘWAZO,’ SAI KU AMSA TAMBAYA NA GABA:

• Ta yaya kalaman ’yan’uwa matan nan suka ƙarfafa ka?