Za Ka Iya Ba da Lokacinka da Kuma Ƙarfinka?

Kamar yadda annabi Ishaya ya annabta, muna ganin yadda ƙungiyar Jehobah take samun ci gaba sosai. (Ish 54:2) Hakan ya sa ana gina sababbin Majami’un Mulki da Majami’un Babban Taro da kuma wasu ofisoshinmu. Bayan an gama ginin, waɗannan wuraren suna bukatar a riƙa kula da su, wasu ma suna bukatar gyara sosai bayan wani lokaci. Ta yaya za mu ba da lokacinmu da kuma ƙarfinmu don mu taimaka a yin waɗannan ayyukan?

• Za mu iya zuwa mu share Majami’ar Mulki idan rukuninmu ne da shara

• Za mu iya amincewa a horar da mu a kan yadda za mu riƙa kula da Majami’ar Mulkinmu

• Za mu iya cika fom ɗin nan Local Design/Construction Volunteer Application (DC-50) don mu taimaka da aikin gine-gine da gyare-gyare a yankinmu

• Za mu iya cika fom ɗin nan Application for Volunteer Program (A-19) don mu taimaka da aikin gini da ake yi a ofishinmu ko a wata ƙasa na sati ɗaya ko fiye da hakan

KU KALLI BIDIYON NAN ANA SHIRIN WANI GAGARUMIN AIKIN GINI​—TAƘAITAWA, SAI KU AMSA TAMBAYOYIN NAN:

• Tun daga 2014, ta yaya muke amfani da bidiyoyi fiye da dā?

• Don a iya ci gaba da wallafa bidiyo, wane shirin gini ne ake yi kuma zai ɗauki tsawon wane lokaci?

• Ta yaya ’yan’uwa za su taimaka a wannan aikin?

• Idan muna so mu taimaka a aikin ginin da za a yi a Ramapo, me ya sa zai dace mu cika fom (DC-50) kuma mu taimaka da aikin gine-gine da ake yi a yankinmu?

• Mene ne ya nuna cewa Jehobah yana goyan bayan wannan aikin?

• Ta yaya za mu taimaka idan ba za mu iya zuwa aikin ginin ba?