Gabatarwar Sashe na 11

Wannan sashen ya yi bayani game da Nassosin Helenanci na Kirista. An haifi Yesu a wani ƙaramin gari kuma iyayensa ba masu kuɗi ba ne. Ya yi aikin kafinta tare da uban da ya kula da shi. Yesu ne zai ceci ’yan Adam. Jehobah ya zaɓe shi ya zama Sarkin Mulkin sama. Idan ku iyaye ne, ku taimaka wa yaranku su fahimci yadda Jehobah ya zaɓi iyalin da za su kula da Yesu da kuma wurin da za su yi hakan. Ka yi la’akari da yadda Jehobah ya ceci Yesu daga hannun Hiridus da kuma yadda babu wani abu da zai hana Jehobah cika nufinsa. Ka koyi yadda Jehobah ya aiki Yohanna ya shirya wa Yesu hanya. Ka nanata yadda Yesu ya so ƙa’idodin Jehobah maimakon nasa tun yana ƙarami.