Aminan Allah Suna Yin Abin Da Yake Da Kyau

In kana da abokin da kake ƙaunarsa kuma kana daraja shi, za ka yi ƙoƙari ka zama kamarsa. Littafi Mai Tsarki ya ce: “Ubangiji nagari ne mai adalci.” (Zabura 25:8) Don mu zama aminan Allah, dole ne mu zama mutane nagargaru masu adalci. Littafi Mai Tsarki ya ce: “Ku zama fa masu koyi da Allah, kamar ’ya’ya ƙaunatattu; ku yi tafiya cikin ƙauna.” (Afisawa 5:1, 2) Ga wasu hanyoyi da za a yi haka:

Ka taimaka wa wasu. “Bari mu aika nagarta zuwa ga dukan mutane.”—Galatiyawa 6:10.

Ka yi aiki da ƙwazo. “Mai-yin sata kada shi ƙara yin sata: amma gwamma shi yi aiki, da hannuwansa yana aika abin da ya ke da kyau.”—Afisawa 4:28.

Ka tsabtace jikinka da kuma ɗabi’arka. “Bari mu tsarkake kanmu daga dukan ƙazantar jiki da ta ruhu, muna kāmala tsarki cikin tsoron Allah.”—2 Korintiyawa 7:1.

Ka ƙaunaci iyalinka kuma ka daraja su. “Kowane ɗayanku shi yi ƙaunar matatasa kamar kansa; matan kuma ta ga ƙwarjinin mijinta. Ku ’ya’ya, ku yi biyayya da waɗanda suka haife ku.”—Afisawa 5:33–6:1.

Ka ƙaunaci wasu. “Mu yi ƙaunar junanmu: gama ƙauna ta Allah ce.”—1 Yohanna 4:7.

Ka bi dokar ƙasa. “Bari kowane mai rai shi yi zaman biyayya da ikon [gwamnati] . . . Ku ba kowa hakinsa: gandu ga wanda gandu ya wajaba.”—Romawa 13:1, 7.