ERESENI 56
Gendereria Obomo ase Omosangererekano
Ekero tore gati y’abasasimi baminto, nigo tokoigwa buna Omoruoti Daudi aigwete: “Rora buna ere buya na okogokia okonene ekero abanto abamo bakomenya amo, baigwanaine!” (Zaburi 133:1) Obomo bwaito tibori gocha mobosokano. Kera oyomo oito nabwenerete kogendereria obomo obwo.
1. Ngento ki kere kia beene gati yabanto ba Nyasae?
Oise kogenda omosangererekano ase ense eng’ao, nabo erabe akong’u asore koigwa omonwa bagokwana, korende ase chinchera chinyinge nabo okweigwa kore omotoereru, oariganirie na bwanchire. Naseki? Ase engencho nigo tokwegera Ebibilia togotumea ebitabu bibwekaine kera aase. Na nigo togotema koorokania obwanchani intwe ase intwe. Teri kobwatia ase tomenyete, Yehova nigo agoteba ng’a abanto “bonsi babe bakorangeria erieta riane inche Omonene, [“Yehova,” NWT] na bagonkorera bare n’omoyo oyomo.”—Sefania 3:9.
2. Ninki aye orakore erio gosegeta obomo?
“Mogenderere n’obwanchani inwe ase inwe bokorua ase enkoro y’ekeene.” (1 Petero 1:22) Inaki oratumie obosemia obo? Ribaga ri’okorigereria ogotaikerana kwa abande rigereria chimbwa chiabo chingiya. Tema kobamanya bamura na basubati baminto abwo bakorwa ase chingencho ao-ao, ribaga ri’ogosanga na baria boka babwate amaganio buna ayao. Boigo nabo togokora omokia erio korusia ebirengererio binde bionsi bi’ogwanchereria ebio toratware.—Soma 1 Petero 2:17.a
3. Ninki aye orakore ekero ogotaigwana koreo n’Omokristo omino?
Nigo tore nobomo nonya titori abaikeranu. Kero kende nabo togoita abande omoyo gose kobagechia. Igo Ring’ana ria Nyasae nigo rigototebia “mwaberane,” naende riamenta: “Buna Omonene abaaberete inwe, nainwe mwaberane bo.” (Soma Abakolosai 3:13.) Twabeire tokomomochera Yehova ase chintunda chinyinge, korende obeire ogotwabera. Igo nigo aganetie twabere abaminto. Ekero kwamanyire ng’a kwamocheire oyomino kabe omotang’ani korigia enchera y’okogayana amang’ana.—Soma Matayo 5:23, 24.b
EGERA AMANGE
Rengereria igoro yaria orakore erio gosegeta obomo na omorembe ase omosangererekano.
Ninki orakore erio koroisia omorembe?
4. Anga ogwanchereria
Nigo toganetie gwancha abaminto bonsi. Korende nabo eratobere akong’u gwancha omonto onde oyio okororekana koba etobauti korwa asetore. Ninki keratokoonye? Soma Ogokora kw’abatomwa 10:34, 35, na mokwanere amaborio aya:
Yehova nigo agwancherana buna Birori baye abanto korwa ase kera egesaku. Inaki ayio abwenerete gosegeta ebirengererio biao igoro y’abande abwo bakorwa ase chingencho chire ching’ao korwa ase echiao?
Ngwanchereria kwa ngencho ki abanto abange babwate ase omenyete, okwo obwenerete gwetanga nakwo?
Soma 2 Abakorinto 6:11-13, na mokwanere riborio eri:
Inaki okorengereria orabaike ang’e mono bamura na basubati baminto bakorwa ase chingencho ao-ao?
5. Abera ase ogwancha na roisia omorembe
Yehova nigo agotwabera ase ogwancha neba ng’a rinde ndiri araganie intwe tomwabere. Soma Zaburi 86:5, na mokwanere amaborio aya:
Ninki tokwegera korwa ase ekebungo eke igoro ya Yehova?
Naseki okogokigwa n’okwabera kwaye?
Mang’ana ki aragere ebe akong’u asetore kogenderera koba nobomo amo n’abande?
Inaki toramwegie Yehova na kogenderera koba n’obomo amo na bamura na basubati baminto? Soma Emereng’anio 19:11, na mokwanere riborio eri:
Ekero omonto akogechirie gose gokomochera, ninki orakore erio koroisia omorembe?
Kero kende nigo tokomochera abande. Ekero twamochire ninki tobwenerete gokora? Orokia EVIDIO, na mokwanere riborio rikobwatia.
Ase evidio, ninki omosubati oyio akorete erio koroisia omorembe?
6. Rigia ayare amaya ase bamura na basubati bamino
Ekero tokobamanya buya mono abaminto, nigo tokomanya chimbwa chiabo chingiya na oboreu bwabo. Inaki toranyare korigereria chimbwa chiabo chingiya? Orokia EVIDIO, na mokwanere riborio rikobwatia.
Ninki keragokoonye erio korora chimbwa chingiya chia bamura na basubati bamino?
Yehova nigo akorigereria chimbwa chiaito chingiya. Soma 2 Amang’ana ’Ebiro 16:9a, na mokwanere riborio eri:
Inee, inaki okweigwa ekero kwamanyire ng’a Yehova nigo akorigereria chimbwa chiao chingiya?
Neba alimasi ekomekameka buya kere n’ekemoa, negendererete koba yerigori rinene. Boigo, bamura na basubati baminto bonsi tibari abaikerenu, korende nigo bare abengencho mono ase Yehova
ABANTO BANDE NIGO BAGOTEBA: “Ntaraabera omonto onde, goika ritang’ani ansabe amaabera.”
Naseki tobwenerete kwabera abande ase ogwancha?
ASE OBWENG’E
Nabo ogokoonya kogendereria obomo ase omosangererekano goetera kwabera, na koorokia bamura na basubati bamino bonsi obwanchani.
Einyorie
Inaki orabue embwa y’ogwanchereria?
Ninki orakore ekero ogotaigwanana koreo gati yao na Omokristo omino?
Naseki oganetie kwegia omobwekano o Yehova bw’okwabera abande?
TUKA MONO
Egera buna emereng’anio ya Yeso eratokoonye erio gwetanga kogambia abande.
Inee, ntobwenerete gosaba amaabera onye toigwete ng’a titoramocha?
“Gosaba Amaabera—Enchera y’Okoroisia Omorembe” (Mnara wa Mlinzi, Novemba 1, 2002)
Rora abasacha babere abwo bakinete ase abanto babwate obogesaku bachete koba n’obomo bw’ekeene.
Johny na Gideon: Abwo Barenge Ababisa, Bono Nigo Bare Abamo (6:42)
Egera buna orasonsore ogotaigwana koreo gati yao na onde bwensi, nyuma gotarasaria omorembe ase omosangererekano.
“Roisia Omorembe ase Omoika bw’Obwanchani” (Mnara wa Mlinzi, Mei 2016)
a Amaereso y’Omoerio 6 rora enchera obwanchani borasegete Abakristo gwetanga kwambokeria abande amarwaire.
b Amaereso y’Omoerio 7 nakwanerete enchera y’okogayana emechando y’oboonchoreria na ebigambero.