Buna Omosangererekano Orobeirie

Yehova nigo are Nyasae bw’omoroberio. (1 Abakorinto 14:33) Igo nabo togosemeria ng’a abanto baye mbabe n’omoroberio. Inaki omosangererekano bw’Egekristo orobeirie? Ninki torakore erio omoroberio oyio oikerane?

1. Ning’o omotwe bw’omosangererekano?

“Kristo [nere] omotwe,” bw’omosangererekano. (Abaefeso 5:23) Nigo akoraa korwa igoro, emeremo yonsi ya abanto ba Yehova ense engima. Yeso akamobeka “omosomba omwegenwa, naende ore omong’aini”—egekundi egeke ki’abagaaka b’engaki entambe naende bamanyekanete buna ekeombe ki’Abagaaka Bakoraa. (Soma Matayo 24:45-47.) Buna abatomwa na abagaaka beritang’ani aria Yerusalemu, ekeombe ki’Abagaaka Bakoraa nakio gekorua oborai ase emesangererekano ense yonsi. (Ogokora kw’abatomwa 15:2) Korende abasacha aba tibari abanene b’ekeombe ki’abanto ba Yehova. Nigo bagosoma Ebibilia erio komanya aria Yehova aganetie bakore, naende nigo bagwekeyia inse y’oboraai bwa Yeso.

2. Emeremo y’abagaaka nereri?

Abagaaka aba n’abasacha Abakristo abegenwa ase emiaka emenge, abwo bakworokereria abanto ba Yehova korwa ase Amariko, babarenda na kobabeka omoyo. Tibari goakanwa ase emeremo yabo. Korende, nigo bagokora “ase ogwancha buna Nyasae anchete, tari ase okonyora kw’oborianania, korende ase omoyo bw’okwerwa.” (1 Petero 5:1, 2) Abagaaka nigo bagokoonywa na abasomba b’obokoreri, abwo ekero baikeranirie ebinto biganeirie, na barobwo baikera koba abagaaka.

Ekeombe ki’Abagaaka Bakoraa nigo gekobachora abagaaka bande baba abateneneri b’omoetanano. Nigo bagotaarera emesangererekano ao-ao erio kobaorokereria na kobaremia bamura na basubati baminto. Naende bachora na kobabeka abagaaka na abasomba b’obokoreri, baria boka bagoikerania aria Ebibilia egoteba.—1 Timotheo 3:1-10, 12; Tito 1:5-9.

3. Emeremo ya kera Kirori o Yehova nereri?

Mwensi ase ekeombe ki’omosangererekano “togia erieta ri’Omonene [“Yehova,” NWT].” (Soma Zaburi 148:12, 13) Nigo togokora bo, goetera ase okorua amaereso, korua chinkwana, gotera na korandia koreng’ana n’okonyara gwa kera oyomo.

EGERA AMANGE

4. Yeso nigo are omorai omuya

Yeso nigo agotoarigania n’omosasoko erio tomwancherane buna omorai oito. Soma Matayo 11:28-30, na mokwanere riborio eri:

• Yeso morai o ngencho ki are, na inaki aganetie toigwe?

EVIDIO: Abagaaka Bakaira Egetambokero kia Bwango Nyuma y’Omotengecho aria Nepal (4:56)

Ebibilia nkworokereria ere maiso marore buna abagaaka babwenerete gokora emeremo yabo.

Soma Isaya 32:2 na 1 Petero 5:1-3, na mokwanere amaborio aya:

• Inaki okoigwa komanya ng’a, buna Yeso, abagaaka ngotema bare mono gokorera abande ase obuya?

• Inchera ki chinde echio abagaaka bakomwegia Yeso?

5. Abagaaka nigo bakworokereria goetera ekiorokererio ekiya

EVIDIO: Abagaaka Kabe Abatang’ani! (7:39)

Yeso nabegete ebirengo ase baria bakoraa ase omosangererekano. Soma Matayo 23:8-12, na mokwanere riborio eri:

• Ninki kegokogokia igoro y’etobauti gati y’ebirengo bi’Ebibilia ase abagaaka na aria kweroreire ase abaraai bechidini?

1. Abagaaka nigo bagoting’ia oboamate bwabo na Yehova na boigo gokoonya chinka chiabo gokora bo

2. Abagaaka nigo bakobenchandera bonsi ase omosangererekano

3. Abagaaka nigo bakorandia botambe

4. Abagaaka nigo bare abaorokia. Naende ngokoonya bare gokora obochenu na emeremo yende

6. Nabo tokobwaterana amo na abagaaka

Ebibilia ngotoa ere esababu yengencho ekogera tobwaterane amo na abagaaka. Soma Abaibirania 13:17, na mokwanere amaborio aya:

• Ebibilia nigo egotosegeta tobaigwere na kobasika baria bagototang’ana inee, obosemia obwo mbobwenerete? Naseki?

Soma Luka 16:10, na mokwanere riborio eri:

• Naseki kere egento ki’engencho tobwaterane amo na abagaaka nonya ase aria akororekana amake?

ASE OBWENG’E

Yeso nere omotwe bw’omosangererekano. Nigo tokogokera kobwaterana amo na abagaaka abwo bagokora emeremo inse ya Yeso ase engencho bagotoa obotoereru na gotworokereria goetera ekiorokererio kiabo ekiya.

Einyorie

• Ning’o omotwe bw’omosangererekano?

• Abagaaka nase nchera ki bagokoonya omosangererekano?

• Emeremo ya kera oyomo bwa abasasimi ba Yehova nereri?

TUKA MONO

Rora egekoenekia ng’a ekeombe ki’Abagaaka Bakoraa amo na abagaaka bande ngwechandera bare Abakristo rero.

Kobabeka Chinguru Abaminto abwo Batabwati Obosibore bw’Ogosasima (4:22)

Egera igoro y’emeremo eyio abateneneri b’omoetanano bagokora.

Obogima bw’Omoteneneri bw’Omoetanano ase Chinsemo chia Risabu (4:51)

Soma igoro y’emeremo abakungu bagokora ase omosangererekano.

“Inee, Birori ba Yehova Nkwanchera Bare Abakungu Kworokereria?” (Mnara wa Mlinzi, Septemba 1, 2012)

Manya amange buna abagaaka bagokora emeremo ase omokia erio kobasegeta abasasimi babo.

“Abagaaka Abakristo—‘Nigo Bagokora Emeremo amo Naitwe ase Omogoko Oito’” (Mnara wa Mlinzi, Januari 15, 2013)