ERESENI 03
Inee, Aye Noyiegene Ebibilia?
Ebibilia nigo ekorua chiira chinyinge na obosemia obonge. Ande noganetie komanya aria ekworokereria, korende ase engaki eyio yaba akong’u koyiegena Ebibilia. Nonyare kwegena chiira nobosemia korwa ase egetabu ekio kiarigetwe kare? Aye mbwegene aria Ebibilia egoteba igoro y’okogokera obogima bono na ase chingaki chire bosio? Chimilioni chia abanto beegenire. Tiga torore gose naye mbwegene.
1. Inee, emegano egotoka ase Ebibilia n’eyekeene?
Ebibilia egoteba nigo ebwate “amang’ana ’ekeene ase oboronge.” (Omorandia 12:10) Nigo egototebia amang’ana ayabete arengete abanto beene. (Soma Luka 1:3; 3:1, 2.) Abanahistoria abange na abatuki b’ebinto bia kare, baenekirie oboronge bwechitariki chieng’echo, abanto, aase na amang’ana abete akwaneire ase Ebibilia.
2. Naseki totebe ng’a Ebibilia teraetwa nechingaki?
Ara ’ange, ekero Ebibilia yarigetwe egakwanera ebinto bitamanyekanete engaki eyio. Ase omogwekano, nigo egokwanera amang’ana asayansi. Amange yaaria ekwanerete igoro y’amang’ana ayio, banto bange tibayaegenete ng’a n’ayekeene ekero yarigetwe. Neba nabo sayansi ya rero yaenekirie ng’a aria Ebibilia egoteba nare boronge. Botambe nigo ere ‘eyobwegenwa bono na kare na kare.’—Zaburi 111:7, 8.
3. Naseki twegene aria Ebibilia egoteba igoro yechingaki chire bosio?
Ebibilia nebwate obobania obwo bwabanete “aya ataraba.” (Isaya 46:10) Nigo yabanete ase oboronge ebinto ebinge emiaka emenge konyora bitarakoreka. Nigo yakwanerete amang’ana are ase ense rero. Ase ereseni eye, ntoringorie obobani boke bw’Ebibilia. Oboronge bw’obobani obwo nobwogokumia!
EGERA AMANGE
Rora buna sayansi ya rero ekoigwanana n’Ebibilia, na tuka obobani boke korwa ase Ebibilia obwo bokogokia.
4. Sayansi nigo ekoigwanana n’Ebibilia
Agwo kare, abanto abange nigo begenete ng’a egento nkere keyebwatete ense. Orokia EVIDIO.
Rora ekiarigetwe ase egetabu kia Ayubu ang’e emiaka 3,500 yaetire. Soma Ayubu 26:7, na mokwanere riborio eri:
Naseki ring’ana eri riarigetwe emiaka 3500 yaetire ng’a ense esungire “etabwateti aande” rire riogokumia?
Omogaso otiria amache korua nyancha, embura yatwa ase ense na amache airana nyancha. Omoetanano oyo bwa amache nigo omanyekanete buya emiaka 200 yaetire. Bono, rora amang’ana Ebibilia yatebete emiaka 3500 yaetire. Soma Ayubu 36:27, 28 na Omorandia 1:7, na mokwanere amaborio aya:
Ninki kegokogokia ase amaereso aya amororo igoro y’omoetanano bw’amache?
Inee, amariko aya gwasomire agokoonyire koyiegena mono Ebibilia?
5. Ebibilia nigo yabanete ebikorwa bi’engencho
Soma Isaya 44:27–45:2, na mokwanere riborio eri:
Mang’ana ki Ebibilia yabanete emiaka 200 konyora omochie o Babeli otarasarigwa?
Historia yaenekirie ng’a Koreshi omoruoti bwa Abaayemi na abarwani baye mbayobuete omochie o Babeli omwaka 539 K.A.b Bakagoberia amache y’orooche orwo rwarendete omochie. Bagosoa omochie goetera ebiita ebitasiekire, bakayobua batarwaneti. Rero, goetania emiaka 2,500 yaerire, omochie o Babeli nigo ore ritombe. Bono rora aria Ebibilia yabanete.
Soma Isaya 13:19, 20, nerio mokwanere riborio eri:
Inaki ayabete Babeli akoenekia ogoikerena kw’obobani obo?
Amatombe y’omochie o Babeli ime y’ense ya Iraq
6. Ebibilia nigo yabanete ebinto tokorora rero
Ebibilia egototebia ng’a nigo tomenyete ase “amatuko ’omoerio.” (2 Timotheo 3:1) Rora amang’ana Ebibilia yabanete igoro y’amatuko ’omoerio.
Soma Matayo 24:6, 7, na mokwanere riborio eri:
Mbinto ki Ebibilia yatebete birabe ase amatuko y’omoerio?
Soma 2 Timotheo 3:1-5, na mokwanere amaborio aya:
Inaki Ebibilia yatebete igoro yechimbwa chia abanto abange ase amatuko ’omoerio?
Gati yechimbwa echi nchirichi aye kweroreire?
ABANTO BANDE NIGO BAGOTEBA: “Ebibilia n’egetabu ki’emegano n’emebayeno.”
Okorengereria, ninki kegokoenekeria ng’a nabo tokoyiegena Ebibilia?
ASE OBWENG’E
Historia, sayansi, na obobani bionsi biaorokirie ng’a nabo okoyiegena Ebibilia.
Einyorie
Emegano egotoka ase Ebibilia n’eyekeene?
Nsemo ki sayansi ekoigwanana n’Ebibilia?
Inee, okorengereria Ebibilia ngoteba ere igoro yechingaki chire bosio? Naseki?
TUKA MONO
Inee, Ebibilia nekwanete amang’ana ataribo egesayansi?
“Inee, Sayansi Nkoigwanana Ere n’Ebibilia?” (Erikire ase omotandao)
Mang’ana ki abanetwe igoro ya “amatuko ’omoerio”?
“Ebinto 6 Ebibilia Yabanete Bigoikerana Ase Chingaki Echi” (Mnara wa Mlinzi, Mei 1, 2011)
Egera buna obobani bw’Ebibilia igoro y’Obogambi bw’Abagiriki bwaikeranetiwe.
Rora buna obobani bw’Ebibilia bwaonchoreretie ebirengererio bia omosacha oyomo igoro y’Ebibilia.
“Tinaegenete Ng’a Nyasae Nareo” (Mnara wa Mlinzi Na. 5 2017)
a Obobani nigo bobwate amang’ana korwa ase Nyasae igoro yechingaki chire bosio.
b K.A. engencho yaye “Kristo Ataraiborwa,” na K.K. engencho yaye “Kristo Kaiboirwe.”