Inaki Ebibilia Eragokoonye?

Ang’e kera oyomo oito nabwate amaborio igoro y’obogima, emechando, amakweri nechingaki chire bosio. Nainde boigo ngwechandera tore botambe buna tokomenya na koba nenka ere n’omogoko. Abanto abange bamanyire ng’a Ebibilia nabo ekobakoonya koiraneria amaborio yengencho ase obogima. Naende yabaa obosemia obuya bakomenyera kera rituko. Inee, okorengereria onde nare omanyete Ebibilia erakoonye?

1. Maborio buna arari Ebibilia ekoiraneria?

Ebibilia nigo ekoiraneria amaborio aya yengencho: Inaki obogima bwachagete? Naseki tore moyo? Naseki abanto bagochandeka? Omonto ekero akure ng’ai agochia? Onye kera omonto oganetie omerembe, naseki rende chisegi chibuchete? Ninki kerayebere ense ase chingaki chire bosio? Ebibilia nigo egotosegeta korigia amairanerio y’amaborio buna aya, na abanto abange banyorire amairanerio ayakobaisanekia.

2. Inaki Ebibilia eratokoonye kogokera obogima bwa kera rituko?

Ebibilia nigo egotoa obosemia obuya. Ase omogwekano, nigo ekworokereria chinka buna chirabe n’omogoko bw’ekeene. Nigo egotoa obosemia bwogokoora ebirengererio naende buna toragokere emeremo yaito. Mbwegere ninki Ebibilia ekworokereria igoro ya amang’ana aya n’ayande amange ekero togokwanera egetabu eke amo naye. Noche kwegena ng’a kera egento kere ime y’Ebibilia “kera ririko . . . nario riranyare gotworokereria” na ndire nefaita.—2 Timotheo 3:16.

EGERA AMANGE

Egera inaki Ebibilia yakoonyire abanto, inaki orayegokere koyesoma, naende naseki onyore obokoonyi erinde oyemanye buya.

3. Ebibilia nabo egotoraa

Ebibilia nigo enga etochi ekomoreka nechinguru. Nabo togotumia Ebibilia gotworokereria enchera torakore ogochora okuya naende etokoonye komanya amang’ana agochi gocha.

Soma Zaburi 119:105, na mokwanere amaborio aya:

• Omoriki bwe ririko eri mbirengererio ki abwate igoro y’Ebibilia?

• Aye mbirengererio ki obwate igoro y’Ebibilia?

4. Ebibilia nabo ekoiraneria amaborio aito

EVIDIO: Tobaisa Gokwa Omoyo! (1:48)

• Ase evidio eye, maborio ki omosubati oyo aboretie?

• Okweorokereria Ebibilia naki kwamokoonyete?

Ebibilia nigo egotosegeta tobori amaborio. Soma Matayo 7:7, na mokwanere riborio rikobwatia:

• Maborio buna arari obwate Ebibilia eranyare gokoiraneria?

5. Nabo okogokera gosoma Ebibilia

EVIDIO: Gosoma Ebibilia (2:05)

• Ase evidio eye, inaki abasae baare kweigwa igoro yogosoma?

• Nonya tibancheti gosoma, naseki bono banchire gosoma Ebibilia?

Ebibilia nigo egoteba ng’a nabo egotoa okworokereria kogotoremia na gotoa ogosemeria. Soma Abarumi 15:4, na mokwanere riborio rikobwatia:

• Inee, aye nkogokigwa ore neira y’Ebibilia igoro y’okoremia na ogosemeria?

6. Abanto bande nabo bagotokoonya koyemanya Ebibilia

Neba bagwesomera Ebibilia boka abanyene, abanto abange bamanyire ng’a gokwanera Ebibilia amo na abande nigo bakoyemanya buya. Soma Ogokora kw’abatomwa 8:26-31, na mokwanere riborio eri:

• Inaki torayemanye buya Ebibilia?—Rigereria ebibungo 30 na 31.

ASE OBWENG’E

Ebibilia nigo ekorua obosemia obuya igoro y’okomenya, yairaneria amaborio yeng’encho na yabaa abanto okoremia n’ogosemeria.

Einyorie

• Mbosemia buna borobi toranyore ase Ebibilia?

• Maborio buna arari Ebibilia ekoiraneria?

• Ninki oraganie kweorokereria ase Ebibilia?

TUKA MONO

Egera enchera obosemia bw’Ebibilia bore bweng’encho rero.

“Amaorokererio y’Ebibilia—Obong’aini Botaetwe ne Chingaki” (Mnara wa Mlinzi Na. 1 2018)

Rora enchera Ebibilia yamokoonyete omosacha oyomo ore gochandwa nebirengererio ebibe korwa obwana.

Buna Obogima Bwane Oboyia bw’Omogoko Bwachagete (2:53)

Ringoria obosemia bw’Ebibilia igoro yobogima bw’enka.

“Amang’ana 12 a Bobisi Yokonyora Omogoko Ase Chinka” (Amkeni! Na. 2 2018)

Egera enchera Ebibilia yaasioririe ekeene igoro ya ning’o okoyeraa ense.

Naseki Bwegere Ebibilia?—Evidio Engima (3:14)