Ninki Kegotoka ase Egwebusaiti Yaito?

Yeso Kristo nigo abatebetie aborokigwa baye iga: “Na omobaso oino obare boigo ase abanto, goika barore emeremo yaino emiya batogie Iso oino ore igoro.” (Matayo 5:16) Ase igo, nigo togotumia teknolochia ya rero buya, amo n’eintaneti. Egwebusaiti yaito emanyekanete ya, jw.org, nero yoka togotumia ase eintaneti gokwanera igoro y’okwegena n’emeremo ya Birori ba Yehova. Mang’ana ki egokwanera?

Amachibu a Bibilia y’amaborio akoborigwa mono. Nabo okonyora amachibu ya amoborio y’engencho mono abanto babeire bakweboria. Ase omobwekano, chitrakti, Kaa Bori Emenchando Neere? na Abakure Bori Mbamenye Naende? Chigotoka ase eintaneti ase emenwa goetania 600. Naende nabo okonyara Ebibilia ya Tafsiri ya Ulimwengu Mpya ase emenwa goetania 130 n’ebitabu ebinge bi’okorokereria Ebibilia, buna egetabu Ninki Ebibilia Egotorokereria? Amo na amangaseti abwango iga a Mnara wa Mlinzi na Amkeni! Nabo okobisoma ebinge bi’ebitabu ebi gose kobitegerera gose kobitaoria buna MP3, PDF, gose EPUB korwa ase eintaneti. Nabo oraprinti chikaratasi inke chiogosanga n’omonto otagete ase omonwa oye. Nabo orataorie ogosomwa kw’Ebibilia, Chidrama chia Bibilia amo ne chingero chingiya chiogotegerera ekero otimogete.

Obomaene igoro ya Birori ba Yehova. Naende ase egwebusaiti yaito, nonyore chibidio n’amang’ana akorekanire bwango iga igoro y’egasi yaito ase ense engima, ogokora kwa Birori ba Yehova n’omokia obo ase okorua ogokonya ase abanto banyorirwe n’amakong’u. Nabo okomanyigwa igoro y’emesangererekano emenene erakorekane bwango iga, amo ne chinchera chi’ogokwana na obisi yaito y’orosagi.

Goetera ase chinchera echi nigo tokomoreka oborabu bw’ekeene gochia kera ekona y’ense. Abanto korwa kera ense, nonya nkorwa Antaktika, nigo bagendererete konyora ogokonya. Nigo togendererete gosaba ng’a “ring’ana ri’Omonene [Yehova] rirande” goika ase ense yonsi, erio Nyasae abakwe.​—2 Abatesaloniki 3:1.

• Inaki jw.org ekobakonya abanto abange kwegera ekeene ki’Ebibilia?

• Igoro ya gento ki oratake gotuka ase egwebusaiti yaito?