Aye Nokore Ogwancha kwa Yehova?

Mbuya mono ase okoira chingaki chiao goetera eburoshua eye erio komanya Birori ba Yehova ning’o, komanya igoro y’egasi yaito, na korora buna ekeombe giaito kegokora emeremo. Twasemeirie ng’a yagokonyire komanya ng’a nintwe togokora ogwancha kwa Yehova rero. Nigo togokobeka omokia ogenderere kwegera igoro ya Nyasae, kobatebia abanto b’enka yao amo na abasani igoro yaria ogenderete kwegera, na gosanga botambe naintwe ase emesangererekano yaito y’Egekristo.​—Abaibirania 10:23-25.

Nonyore ng’a ekero okogenderera kwegera igoro ya Yehova, nario okomanya ng’a ere nagwanchete mono. Naye erio nobe n’omoyo bw’okomwancha. (1 Yohana 4:8-10, 19) Korende inaki oraorokie obwanchani obwo ase obogima bwao bwa kera rituko? Nase ki, koigwera amachiko aye eragokonye? Naende ninki keragokonye okore ogwancha kwa Nyasae amo naintwe? Omwarimu oo bw’Ebibilia nigo aragokigwe gokoiraneria amaborio ayio erio aye amo n’enka yao “Mwerende ase obwanchani. . . bwa Nyasae.”​—Yuda 21.

Nigo togokoarigania ogenderere ase enchera y’ekeene ase okweorokereria egetabu “Jitunzeni Katika Upendp wa Mungu” eke.