Chinyomba chi’Oboruoti​—Nase ki Naende Inaki Chikoagachwa?

Buna erieta Enyomba y’Oboruoti rikoorokia, okoegera okonene kw’Ebibilia aroro nigo korengete igoro y’Oboruoti bwa Nyasae​—ekerenga ki’obokoreri bwa Yeso.​—Luka 8:1.

Ase ekenyoro nao ogosasima gw’ekeene kogokorwa. Nkorwa ase Enyomba y’Oboruoti, emeremo y’okorandia amang’ana amaya y’oboruoti egochakera. (Matayo 24:14) Chinyomba chi’Oboruoti nigo chiagachire ase chinchera n’obogare ao ao, korende chionsi tichitonirie gose koagachwa chibe chinene kweimokereria igoro, chinyinge nigo chigotumeka n’ebiombe bi’emesangererekano goetania ekemo. Ase emiaka ya bwango iga twabeire tokoagacha chilifu chie Chinyomba chi’Oboruoti (ang’e isano ase rituko erimo) erio tonyare goikerania okogania kw’ebiombe bi’emesangererekano. Inaki togoikerania ayio?​—Matayo 19:26.

Nigo chikoagachwa n’emechango korwa ase ekegancha ekemo. Emechango eye nigo egotomwa gochia ase obisi y’orosagia, erio chibesa chitoke ekero chiganeirie ase ebiombe bi’emesangererekano, bitagete koagacha gose korosia Enyomba y’Oboruoti.

Nigo chikoagachwa na abanto bakwerua korwa ase chingendo ao ao ase obogima. Ase chinse chinyinge, Ebiombe Bikoagacha Chinyomba chi’Oboruoti biaroberigwe. Ebiombe bi’abasomba nabaria bakwerua koagacha nigo bakong’anya korwa ekeombe ekemo ki’omosangererekano gochia ekende ime y’ense eyio, nonya nime mono korwa ase emechie emenene, gokonya ebiombe bi’emesangererekano koagacha Chinyomba chiabo chi’Oboruoti. Naende ase chinse chinde, Birori bande nigo bachorire gotenenera okoagacha na korosia-boyia Chinyomba chi’Oboruoti ase orogongo babekire gotenenera. Nonya chinsemo chinde abaagachi bagwakanwa bakwerua koagacha chinyomba chi’Oboruoti, abange ase amagacho aito mbaria bakorwa ase ebiombe bi’emesangererekano. Omoika o Yehova n’omokia obo bwensi noro okobakonya abanto baye goikerania ayio onsi.​—Zaburi 127:1; Abakolosai 3:23.

• Nase ki ase togosasimera akorokwa Chinyomba chi’Oboruoti?

• Inaki ekonyarekana toagache Chinyomba chi’Oboruoti kera ase ense engima?