ERESENI 22

Meremo ki Egokorwa ase Obisi y’Orosagia?

Ekeombe ki’abagaka bakoroberia emereomo y’orosagia ase ebisinga bia Solomon — Solomon Islands

Kirori o Yehova ore egasi ase obisi y’orosagia ase ense ya Canada — Canada

Chigari chi’ogosomba ebitabu — South Africa

Enka ya Beteli nigo bagokora emeremo ase chi’obisi ao oa, chitenenerete emeremo y’okorandia ase ense eyemo gose goetania eyemo. Abande nigo bagokora emeremo ase chi’obisi chi’okobasiria, abande barosia amangaseti, abande kobwatania ebitabu, abande ase ebitabu bikogachwa, abande korosia chibidio/n’amariogi, gose gotenenera amang’ana ande y’orogongo.

Ekomiti y’Orosagia nero etenenerete emeremo eyio. Ekomiti y’Orosagia ere na abagaka batato gose goetania bagwenerete, nero etigeire oboteneneri bwa kera obisi y’orosagia n’Ekeombe kia Abagaka Bakoraa Birori ba Yehova. Ekomiti eye nigo ekomanyia Ekeombe kia Abagaka Bakoraa Birori ba Yehova igoro yaria agendererete ase orogongo rwabo. Chiriboti echio nigo chigokonya Ekeombe kia Abagaka Bakoraa Birori ba Yehova, gochora mang’ana ki agwenerete korikwa ase ebitabu bigochia gosoka bwango iga na aria arakwanerwe ase emesangererekano na ase emesangererekano emenene. Kera engaki Ekeombe kia Abagaka Bakoraa Birori ba Yehova nigo bagotoma, abakilishi gotaarera chi’obisi chi’orosagia na korua oborai ase Ekomiti y’Orosagia buna baraikeranie emeremo yabo. (Emereng’anio 11:14) Eprogramu ya beene ere n’enkwana korwa ase omwakilishi bw’obisi enene, nkoroberigwa ere koremia bonsi bamenyete ase orogongo rwa obisi y’orosagi.

Korua obokonyi ase ebiombe bi’emesangererekano. Ebiombe bi’emesangererekano emeyia ngochakwa bire, ekero baria batenenerete emeremo eyio ase obisi y’orosagia barure ribaga. Abagaka bande nigo bakoraa emeremo ya amapainia, abamisonari, na abateneneri b’omoetanano bagokora emeremo ase orogongo rw’orosagia. Naende baroberia emesangererekano emenene, batenenera obwagachi bwe Chinyomba chi’Oboruoti, na korora ng’a ebitabu biaikire ase ebiombe bi’emesangererekano kobakonya ase okogania kwabo. Emeremo yonsi egokorwa ase obisi y’orosagia nigo egokorwa ase omoroberio erio goikerania egasi y’okorandia.—1 Abakorinto 14:33, 40.

Inaki Ekomiti y’Orosagia egokonya Ekeombe kia Abagaka Bakoraa Birori ba Yehova?
Meremo ki egokorwa ase obisi y’orosagia?