ERESENI 21

Beteli Ninki?

Birori babere ba Yehova bagokora egasi ase Edipatimenti y’okobeka chibicha ase Beteli — Edipatimenti y’Okobeka Chibicha, U.S.A.

Kirori o Yehova ogokora egasi ase emasini y’okorosia ebitabu Beteli ya Germany — Germany

Kirori o Yehova ogosibia chianga n’emasini ase Beteli ya Kenya — Kenya

Birori ba Yehoba bakobanga endagera emesa ase ense ya Colombia — Colombia

Beteli n’erieta ri’Ekeibirania riminetie “Enyomba ya Nyasae.” (Omochakano 28:17, 19) Eri n’erieta rigwenerete chiobisi chia Birori ba Yehova bagaachete ase ense yonsi, korwa aroro nao oborai n’obokonyi ase emeremo y’okorandia ekorwa. Ekeombe kia Abagaka Bakoraa Birori ba Yehova nigo kere ase obisi enene ere New York State, U.S.A., na korwa abwo nigo batenenerete emeremo egokorwa ase chi’obisi chi’orosagia ase chinse chinyinge. Buna ekeombe ekemo, baria bonsi bagokora emeremo aroro nigo bakorokwa enka ya Beteli. Barabwo buna enka, nigo bamenyete na gokora emeremo amo, nakoragera amo, naende koegera Ebibilia amo.—Zaburi 133:1.

Nase a beene abanto b’enka bakwerua. Kera obisi ya Beteli, mbareo abasacha na abakungu Abakristo beruete gokora ogwancha kwa Nyasae na kogendia amang’ana y’Oboruoti chingaki chionsi. (Matayo 6:33) Onde tari ase bare okonyora omosaara, bonsi nigo bare nase bakorara, endagera, ne chibesa nke kobakonya ase okogania kwabo abanyene. Kera oyomo ore Beteli nare n’emeremo agokora, ebe nase obisi, chikoni, gose ase enyomba y’okoragerera. Abande nigo bagokora emeremo y’okorosia ebitabu, gose ase okobwatania, gose obochenu bwe chinyomba, ogosibia chianga, okorenda amagacho, gose amang’ana ande.

Nase emeremo y’okorandia, ekonyara ogokonya korwa. Ekerenga ekenene gia Beteli n’ogokora ekeene ki’Ebibilia kobaikera abanto abange buna ekonyarekana. Eburoshua eye n’ensemo y’emeremo eyio. Nigo yarigetwe inse yoboteneneri bw’Ekeombe kia Abagaka Bakoraa Birori ba Yehova, nigo yatometwe ase enchera y’ekeletroniki gochia ase chiobisi chi’okobasiria chinyinge chire ense engima. Ekarosigwa ase chimasini chigokora bwango, na koirwa ase ebiombe bi’emesangererekano goetania 110,000. Kera ase egetambokero, enka ya Beteli, nigo bakorua ogokonya ase emeremo eria y’engencho mono—okorandia amang’ana amaya.—Mariko 13:10.

Mbarabi bagokora emeremo ase enka ya Beteli naende mbokonyi ki bakonyora?
Meremo ki ya bwango egosirwa n’egasi egokorwa Beteli?