Emeremo ya Abasomba b’Obokoreri Nereri?

Ebibilia ngokwanera ere chisamburi ibere chi’abasacha Abakristo babwate emeremo ase ekeombe ki’omosangererekano​—“abateneneri na abasomba b’obokoreri.” (Abafilipi 1:1, New World Translation) Ase obweng’e, abange ba Abakristo abwo ngotoka bare kera ase ekeombe ki’omosangererekano. Meremo ki abasomba b’obokoreri, bagokora ase engencho yaito?

Nigo bagokonya ekeombe kia abagaka. Abasomba b’obokoreri nigo bare Abakristo abakong’u, bakwegeneka, na bamanyete emeremo yabo, abande babo n’abasae na abande n’abanene ase emiaka. Nigo bagokonya emeremo ao ao ase ekeombe ki’omosangererekano. Erio abagaka banyore ribaga korokereria na gokora emeremo y’oborisia.

Nigo bakorwa obokoreri bw’engencho. Abande ba abasomba b’obokoreri nigo bakoegwa emeremo y’okoarigania bonsi bagocha ase omosangererekano. Abande batenenera ebitogonyero bi’eriogi, okorwa kw’ebitabu, esabu, na kobagera abarandia chinsemo chi’okorandia. Nigo bagokonya ase okorora ng’a Enyomba y’Oboruoti nigo erendire buya. Abagaka nabo barababorie babakonye abagotu bare egati yaito. Okoba ang’e kwabo gokora meremo ende yonsi bakoegwa nigo ekogera baegwa amasikani na bonsi.—1 Timotheo 3:13.

Nigo bare ekeorokererio ekiya buna abasacha Abakristo. Abasomba b’obokoreri nigo bagochorwa ase engencho bare ne chimbwa chingiya chi’Obokristo. Ekero bairwe chinsemo chi’okorokereria ase emesangererekano, nigo bagokong’ia okwegena gwaito. Ekero bagototang’ana ase emeremo y’okorandia nigo bagosegeta omokia oito. Ase engencho y’omoyo obo bw’okobwaterana, nigo bagokinia omogoko n’obomo. (Abaefeso 4:16) Nabarabwo mbaike engaki y’okoba abagaka b’ekeombe ki’omosangererekano.

• Mbasacha ki abasomba b’obokoreri bare?

• Inaki abasomba bagokonya ekeombe ki’omosangererekano?