Ninki Gekogera Tokorokwa Birori ba Yehova?

Abanto abange nigo bakagete ng’a Birori ba Yehova ne dini engeni. Korende ase emiaka goetani 2,700 yaetire abasomba ba Nyasae bw’ekeene nigo baare korokwa “birori” baye. (Isaya 43:10-12) Goika omwaka o 1931, nigo twamanyekanete buna Aborokigwa b’Ebibilia. Ninki kiagerete togachora korokwa Birori ba Yehova?

Nigo rikomanyia igoro ya Nyasae oito. Koreng’ana na amariko akare, erieta ria Nyasae, Yehova, nigo rigotoka mara chilifu ase amariko a kare a Bibilia. Ase Chibibilia chinyinge chibasiririe, erieta ria Nyasae riarusigwe aroro, ribaga riaye barikire amarieta y’esiko buna Omonene gose Nyasae. Korende, Nyasae bw’ekeene nigo eorogetie ere bweka omonyene ase Musa goetera erieta riaye Yehova ekero atebeta ng’a: “Erio nario erieta riane kare na kare.” (Okong’anya 3:15) Ase enchera eyio, nigo eatananete korwa ase chinyasae chioborimo. Nigo togwetogeria erieta richenu ria Nyasae.

Nigo rikoeresa igoro y’emeremo yaito. Abanto ba kare gochakera Abeli omonto omwegenwa mbaruete oborori igoro y’okwegena kwabo ase Yehova. Ase amagana y’emiaka emenge, Nuhu, Ibrahimu, Sara, Musa, Daudi, nabande “nabarori abange buna igo, batoetanaine buna riire.” (Abaibirania 11:4–12:1) Buna omonto araruere omonto onde otari na mamocho oborori kotini, intwe twerure kobamanyia abanto ekeene igoro ya Nyasae oito.

Nigo tokomwegia Yeso. Ebibilia nigo ekomoroka “kirori omwegenwa na oyo bw’ekeene.” (Okomaanoka 3:14) Yeso ere omonyene nigo atebete ng’a ‘nabamanyetie erieta ria Nyasae’ na ‘akagenderera koba kirori ase ekeene’ igoro ya Nyasae. (Yohana 17:26; 18:37) Ase igo, aborokigwa b’ekeene ba Yeso goika, bariimokie erieta ria Yehova na korimanyia. Ekio nakio Birori ba Yehova bare n’omokia gokora.

• Nase ki Aborokigwa b’Ebibilia bachorete erieta Birori ba Yehova?

• Nase engaki eng’ana ng’aki Birori ba Yehova babeire ase ense?

• Ning’o Kirori o Yehova omonene?