A Yuun Soŋɛ La Nɛreba Yeledi’ire Saŋa

YEZU yuun yele Paul yeti eŋa n mɔɔli yelesoma la zuo, daaŋɔ zo’e zo’e wan paɛ en. Bala mea nɔɔ n yuun sirum eŋɛ. Paul n yuun ta dɛna Kristabia la, yuun 20 pooren ti a gulesɛ a gɔnseko n pa’asɛ buyi ta bo Korint mabiisi la. Sankaŋa la, ba yuun puɣum ŋmɛ en mɛ sugumnɔɔrɛ zo’e zo’e. Saŋa zo’e zo’e me, a yuun boi la dɛŋa poan ti la ana wuu la gee la fii la a ki. Leyɛ’ɛsa, sugumnɔɔrɛ butã ti ɔɔreŋɔ seko ti a yuun bɔna ku poan la sa’am ko’om zuo. A me tabelɛ bɔna ko’om poan yu’uŋɔ ta paɛ yiimbeere. Ge daɣɛ za’a n bala. A yuun le bɔna la ɔɔreŋɔ poan yɛ’ɛsa zɛ’an, ti ɔɔreŋɔ la sa’am ko’om poan. Bem n yuun eŋɛ?

Ba yuun paɣɛ Paul la Kaesarea n boi Yudea tiŋa ti la gaŋɛ yuuma ayi. Ge ba yuun ka boti ba yese en sarega la poan, se’ere n sɔi la kpɛ’ɛma la yuun boti la Paul bo en ligeri. La yuun ka yue ti ba tee kpɛ’ɛma. Bala la, Paul yuun yele mina n nyaa de kpɛ’ɛma la ti a tari en keŋɛ Kaesar zɛ’an ti ba ta gãkɛ en bilam. Ba yuun dekɛ Paul zom la ɔɔreŋɔ ti ba tari en keŋɛ Kaesar zɛ’an, Arom tiŋa. Kaesarea la Arom yuun zaaɛ mɛ la taaba ge ti dɛŋa me yuun ta’an paɛ ba ko’om la zuo. Paul zɔdoma bayi n yuun doose en keŋɛ Arom. Ba dela Aristarkus la Luke, se’em n yuun de dɔgeta la.—Kol. 4:14.

Ɔɔreŋɔ la yuun deŋɛ nɛŋa teke la Mira tiŋa. Bilam ti Arom soogɛpa kpɛ’ɛma ayima yu’urɛ n de Yulius dekɛ Paul, la sɛba ti ba laɣum paɣɛ ba la zom ɔɔreŋɔ n ye Arom tiŋa. Ban yuun ye la, kusebekãtɛ n yuun loberi ti la kpe’em ti ɔɔreŋɔ la ta’an keŋɛ. Sugumnɔɔrɛ buyi ti Luke yeti la yuun kpe’em mɛ ti ɔɔreŋɔ la ta’an keŋɛ. Ban yuun paɛ zɛ’an ti ba yi’ira ti Ze’elesoŋa Zɛ’an la, ba yuun teke mɛ kusebekãtɛ la zuo. Paul yuun mi ti ba san yeti ba le tɔ̃kɛ, la wan kpe’em bo ba. Bala la, la wan ana soŋa ti ba yee zɛ’an la poan ta paɛ uunɛ.

Paul yuun dekɛ la sukpe’ene yele Yulius ti a basɛ ti ba yee Ze’elesoŋa Zɛ’an la. A yuun yele Yulius yeti ba san sina ge kelum bɔta ti ba keŋɛ, ɔɔreŋɔ la wan sa’am ge ti nɛreba la me ta’an ki. Ge Yulius yuun ka kelese Paul. A yuun tuɣum doose la sɛba n biseri ɔɔreŋɔ la n yele en sɛla. Ge yelese’a n eŋɛ pooren la yuun ta’an basɛ ti Yulius suure sa’am la eŋa n ka kelese Paul ka’aŋɔ la. Luke yeti kusebekãtɛ n yuun lobe ti ɔɔreŋɔ la ka ta’an keŋɛ nɛŋa. La ka yue ti kusebego la lɔbera zɔ’ɔra ti komi’isi la fɔ̃bera ɔɔreŋɔ la, ti la ka tana ita. Kusebekãtɛ la yuun kɔ’ɔn lɔbera mɛ dabesa zo’e zo’e. Ba yuun lobe lɔɣeseto n tibegɛ la basɛ la ko’om la poan, lan wan eŋɛ se’em ti ɔɔreŋɔ la kan libe. Kusebego la yuun lobe paɛ wuu bakwai ayi. Nɛreba la yuun ka ta’an di dia dabesa zo’e zo’e. Luke yeti sankaŋa la, ba za’a yuun ti’isɛ ti ba yeti ba ki mɛ.

Lan yuun iti bala la, Paul yuun yele ba yeti: “Nananawa n bene ya mɛ, din’inhe ya suunre.” Paul yuun yele ba sɛla n wan eŋɛ. A yuun yeti: “Dagɛ la ya ayema ya poan n wan ki. Han dagana la ɔɔnrɔŋɔ kantɛ la ma’an n wan sagom.” Sɛba n biseri ɔɔreŋɔ la basɛba yuun boti la ba ɛ̃kɛ sige ɔɔreŋɔ pika poan faaɛ bamea basɛ. Bala la, Paul yuun yele soogɛpa kpɛ’ɛma la, la a soogɛpa la ti nɛra woo san yee ɔɔreŋɔ la poan, ba kan ki. Bilam ti soogɛpa la eŋɛ kalam ŋmaɛ ɔɔreŋɔ pika la mi’isi basɛ, lan wan eŋɛ se’em ti nɛreba la kan ɛ̃kɛ sige bim.

Bulika yu’uŋo yu’uŋo ti Paul yele nɛreba la ti ba di dia la n boi ɔɔreŋɔ la poan la. A yuun le yele ba yeti: “Se’em zonto pon kan bɔregɛ.” Paul yuun zusɛ la Yehowa, pu’usɛ en la dia la ge ti ba nyaa di. Bala pooren, ba yuun dekɛ dia la n gee la lobe basɛ la ko’om la poan. Paul n yuun tɔɣɛ ge eŋɛ sɛla la yuun kpemese buraasi la n boi ɔɔreŋɔ la poan la giila mɛ. Beere n nyaa yilegɛ la, ba yuun pɔ̃ri la doone. Ge ɔɔreŋɔ la yuun ŋmɛ la tãsi n boi ko’om la poan, nyaa teke. Bala ti komi’isi la fɔ̃bera ɔɔreŋɔ la ti ku pɔsɛ wɛɣera. Ge wuu Paul n yele ni ba se’em la, la boi bim ti ɔɔreŋɔ la yuun sa’am mɛ ge ba za’a yuun paɛ doone mɛ ti dɛŋa ka paɛ ba.

Buraasi la yuun nyaa paɛ la tiŋa kayima yu’urɛ n de Malta. La ka yue ti Paul, la a zɔdoma la le mu’ɛ nini la tuuma. Naayinɛ yuun bo Paul la paŋa ti a dekɛ tibɛ bã’adoma zo’e zo’e. Malta tiŋa nɛreba puurɛ yuun pee mɛ la Paul, la a zɔdoma la n eŋɛ yelese’a bo ba la. Bala la, ba yuun soŋɛ Paul, la a zɔdoma la mɛ ge me bo ba lɔɣɔrɔ.

Paul n yuun paɛ Arom ŋmaresi pooren la, ba yuun paɣɛ en la yire poan paɛ wuu yuuma ayi. Hali la bala za’a, Paul yuun kelum tara la sukpe’ene. A yuun kelum mɔɔla mɛ ge me gulesa gɔnɔ bɔ’ɔra mabiisi la. Ban yuun yese en la, a yuun nyaa boi la fai mɔɔla. Yuuma fii pooren, ba yuun le paɣɛ Paul mɛ Arom tiŋa poan. Daanse’ere, la yuun ka yue ti Aromdoma la ku buraa wa n tari sakerɛ, la sukpe’ene la. Paul yuun ka zoti kum. A yuun mi soŋa soŋa ti Yehowa wan ta yese kum basɛ, “te nɛreba [kan] le kiira.” (1 Ko. 15:26) Paul yuun le mina ti Naayinɛ biŋe nɔɔrɛ ti nɛreba basɛba wan ta keŋɛ saazuo naɛ la Krista dɛna nadoma, la malemadoma ge kan makɛ ki. Paul yuun pa’asɛ ba poan mɛ. Bala la, a yuun kɔ’ɔn ana la lɛɛ gura sankaŋa.

Kaalɛ Baabule zɛ’ɛsi wa:

• Tooma 9:16; 24:​24-27; 25:11; 27:​1-44; 28:​1-10, 16, 30, 31

• 2 Korint 11:​23-27

• 2 Timoti 1:​16, 17; 4:​6-8

Sɔsɛ ya sokere wa:

Paul yuun eŋɛ la wani pa’alɛ ti a tari sukpe’ene?

Viisɛ Pa’asɛ

1. 1. Paul yu’urɛ ayima dela Saul ge beni n sɔi ti a yuun bɔta ti ba yi’ira en Paul? (w08-E 3/1 12 ¶4-5)

   Lebese

2. 2. Baabule la ka tɔɣɛ yelese’a n yuun paɛ Paul se’em ma’a ti a yuun lebe Tarsus ta paɛ se’em ma’a ti a keŋɛ Antiok la. Bala yuun gaŋɛ yuuma awɛi. Bem daaŋɔ n yuun ta’an paɛ Paul yuun aŋa poan? (w00-E 7/15 26-27, daka ¶3-4)

   Lebese

3. 3. Beni n sɔi ti Paul yuun yele Yulius ti ba gura fii ge nyaa keŋɛ Italy? (Tm. 27:​9, 10; wp17.5-E 9 ¶3-4) Bisɛ foote A

   Lebese

   

4. 4. Beni n sɔi ti Malta tiŋa nɛreba la yuun tɔɣɛ Paul yele yeti: “Boraa wa daa ko la nɛra”? (Tm. 28:4; w15-E 10/1 9 ¶5-6)

   Lebese

Ti’isɛ Hon Wan Dekɛ Tum Tuuma Se’em

• Paul yuun yele burasɛba n boi ɔɔreŋɔ la poan yeti Naayinɛ wan soŋɛ ba ti ba “se’em zonto pon kan bɔregɛ.” (Tm. 27:​22, 34) Yele wa pa’alɛ ti Yehowa tari a paŋa la ita la bem ge la basɛ ti hon geele na’am mɔɔlegɔ tuuma la wani?

  Lebese

• Paul n yuun zusɛ ba’asɛ la, sɛba n yuun boi la en ɔɔreŋɔ la poan la yuun “din’inhe suunre” mɛ. (Tm. 27:​35, 36) Yele ani poan ti tomam me zusega wan ta’an kpemese nɛreba giila? Bisɛ foote B

  Lebese

  

• Ho wan eŋɛ la wani ta’an tɔɣesa Paul sukpe’ene la?

  Lebese

Ti’isɛ Taɣesɛ Yehowa Yele

• Paul yele wa pa’alɛ mam ti Yehowa ani la wani?

  Lebese

• Paul yele wa makɛ la Yehowa puti’irɛ la wani?

  Lebese

• Hon zamesɛ la bem Paul yele wa poan ti la basɛ ti hon puurɛ pee la ban loe en pa’asɛ sɛba n wan naɛ la Krista di na’am saazuo la?

  Lebese

Zamesɛ Yɛla Pa’asɛ

Zamesɛ baŋɛ ɔɔrenɔ yele n yuun pakɛ se’em Paul saŋa, la Kristakɔma la n yuun tari ba mɔɔla yelesoma la se’em, tisi zo’e zo’e poan.

“In Dangers at Sea” (w99-E 3/15 29-31)

Keendoma basɛba eŋɛ la wani ta’an ŋmibera ge me soŋera ba mabiisi la wuu Paul?

Tɔɣesa Sɛba N Di’ise Suure Ge Nyɛ Pu’ulumbiŋ’a La N Sirum Tum Se’em La—Paul (3:22)