Baabule La N Tɔɣɛ Sɛla La Nɛreba Zo’e Zo’e N Boi Ba Ma’a La

La ka yue ti ba sɔsɛ la nɛreba tingole wa za’a poana ge baŋɛ ti nɛra ayima nɛreba banaasi woo poan ti’isɛ ti eŋa boi la a ma’a.

• “La ta’an ana nɛresɛka deeni wuu a boi la a ma’a, la ka pakɛ la a yuuma bii eŋa n ze’ele zɛ’an.”​—Chido Mpemba, cochair of the World Health Organization’s Commission on Social Connection.

Nɛreba zo’e zo’e ti’isɛ ti bunkureba ma’a n ni ti’isa ti bamam boi la ba ma’a ge la daɣɛ bala. Bunbilipaalesi, sɛba n tari imma’asum la taresum, la sɛba n tari pɔɣeba bii sireba me ta’an ti’isa ti ba boi la ba ma’a. Nɛra san yelege amea ge ti’isa ti a boi la a ma’a, la ta’an daam a imma’asum la eŋa n ti’iseri yɛla se’em.

• Dr. Vivek Murthy, n de U.S. surgeon general yeti: “Nɛreba n boi ba ma’a la daɣɛ ti la yeen ana ba la bala. Nɛra san bɔna a ma’a ge ka naɛ la nɛreba sɔsa, dɛŋa sɛka n ta’an paɛ en la ani wuu dɛŋa n wan paɛ nɛra se’em a san nyu sigaari 15 dabeserɛ poan.”

Baabule la n tɔɣɛ sɛla

To Naaŋɔdaana la ka boti to yelege tomea. Naayinɛ puti’irɛ kɔ’ɔn dɛna la nɛreba ta’an naɛ taaba sɔsa la pupeelum.

• Baabule naresum yele: ‘Naayinɛ yeti: La ka ani soŋa ti buraa la bɔna a ma’a.’—Pin’ileŋɔ 2:18.

Naayinɛ boti la to tara bɔnsoŋa la en. A yeti to san tiregɛ ti to vurege du en, a me wan vurege du to.—Yames 4:8.

• Baabule naresum yele: ‘Sɛba n eeri Naayinɛ wan tara pupeelum, se’ere n sɔi la saazuo Na’am la dela ba denɛ.’​—Matu 5:3.

Naayinɛ boti la to naɛ taaba pu’usa en. To san ita bala, la basɛ ti to tara la putɛsonɛ.

• Baabule naresum yele: ‘Basɛ ya ti to ti’isa taaba yele, tara nɔŋerɛ la tuunsoma ge me da vi’ira zamesegɔ ge to tuɣum kpɛmesa taaba giila.’​—Hebru 10:24, 25.

Ho san bɔta ti ho zamesɛ baŋɛ sɛla n sɔi ti la yele pakɛ ti to da yɛlegera tomea, kaalɛ zaseŋɔ yele la zuo n de “Loneliness in a World of Mass Connection” (Nɛreba Sɔseri Mɛ La Taaba Intanɛt Poan Ge Ba Kelum Bɔna La Ba Ma’a).