Zɔtɔ Nyɔka Wan Soŋɛ Hɔ Ti Ho Kan Bɔna Ho Ma’a—Baabule La N Wan Soŋɛ Ho Se’em

Yuun 2023 poan ti imma’asum bisegadoma baŋɛ ti nɛreba zo’e zo’e boi la ba ma’a. Bala, ba kɔ’ɔn tiregera mɛ ti ba maalɛ yele wa. Yele wa wan ta’an maalɛ?

• Dr. Vivek Murthy n de U.S. surgeon general la yeti, “ho san bɔna ho ma’a ge ka lɛna nɛreba, la ta’an daam ho imma’asum ge ti ho me kan tara pupeelum.” A tɔ̃kɛ yeti, “ge to wan ta’an eŋɛ sɛla.” To wan ta’an eŋɛ la bem? “To wan ta’an ita yelepiɣisi n wan basɛ ti to tara bɔnsoŋa la nɛreba.”a

Daɣɛ ton yelege tomea ma’a n wan basɛ ti to bɔna to ma’a. Nɛra ta’an bɔna nɛrekuuŋɔ poan ge kelum bɔna a ma’a. La ka pakɛ la sɛla n basɛ ti to bɔna to ma’a, Baabule la wan ta’an soŋɛ tɔ. Baabule la tari la ka’aŋɔ n wan soŋɛ tɔ ti to tara bɔnsoŋa la nɛreba ti la kan ana to wuu to boi la to ma’a.

Baabule naresum yɛla n wan soŋɛ hɔ

Mina sɔsega. La daɣɛ ho kɔ’ɔn yɛta nɛreba lan ani ho se’em ma’a ge ho me ni ma’ɛ homea kelese lan ani bamam me se’em. Nɛra san baŋɛ ti ho ti’iseri a yele, la ni basɛ ti hon la eŋa bɔŋa la ana la soŋa.

• Baabule naresum yele: ‘Da biseri ya yamea n boti sɛla yele ma’a ge biseri ya basɛba me n boti sɛla.’—Filipi 2:4.

Nyɔɣɛ zɔtɔ la nɛreba to’ore to’ore. Ho ta’an nyɔɣɛ nɛra zɔtɔ la ka pakɛ la a yuuma n zuni se’em bii eŋa n ze’ele buuri sɛka bii tinsɛka.

• Baabule naresum yele: ‘Yu’ɛ ya suure soŋa soŋa.’​—2 Korint 6:13.

Ho san bɔta ti ho zamesɛ baŋɛ ho wan eŋɛ se’em ta’an nyɔɣɛ zɔtɔ, kaalɛ zaseŋɔ yele la zuo n de “Satisfying Our Hunger for Friendship” (Ton Wan Eŋɛ Se’em Ta’an Nyɔɣɛ Zɔtɔ).