To Wan Ta’an Tara Beere Sa’am Puti’irɛ Yuunɛ 2024 Wa Poan? Baabule La Yeti Bem?

Nɛreba zo’e zo’e ti’isɛ ti to kan ta’an maalɛ yeledaaŋɔ seto n wan paɛ tɔ yuunɛ 2024 poan. Ge to ta’an tara beere sa’am puti’irɛ. To wan nyɛ bu la bɛ?

Baabule la basɛ ti to tara la beere sa’am puti’irɛ

Baabule la yeti Naayinɛ wan maalɛ yelese’a n daani tɔ ti to vom ka tara vuurɛ la. La kan yue, Naayinɛ ‘wan duuse to nintam to nini poan basɛ, ti kum kan le bɔna, susa’aŋɔ la kaasega la induuma kan le bɔna.’​—Liligere 21:4.

• Ho san bɔta ti ho zamesɛ baŋɛ Baabule beere sa’am puti’irɛ wa yele pa’asɛ, kaalɛ zaseŋɔ yele wa zuo n de “A Real Hope for a Better Tomorrow” (Tara Puti’irɛ Ti Beere Sa’am Wan Ta Ana Soŋa).

Baabule la n wan ta’an soŋɛ ho se’em

Baabule la basɛ ti to tara la beere sa’am puti’irɛ n wan soŋɛ tɔ ti to tara putɛsonɛ ge daɣɛ putɛyooro. (Arom 15:13) Baabule la tari la ka’aŋɔ n wan ta’an soŋɛ hɔ ti ho ŋmibe yeledaaŋɔ seto n paari ho la, maɣesɛ wuu nɔŋɔ, ŋmɛlema tuuma la bã’asi.

• Bisɛ Baabule beere sa’am puti’irɛ la n soŋɛ buraa ayima ti a tara suma’asum la pupeelum se’em la ka pakɛ la nɔŋɔ n yuun tari en la. Bisɛ vidiyo la zuo n de Juan Pablo Zermeño: Yehowa Basɛ Ti Mam Tara La Vom Somɔ.

• Bisɛ Baabule la n wan ta’an soŋɛ ho se’em ti ho ta’an ŋmibe, ho san tum be’em kurum ti la daana hɔ bii ho suure n sa’am bii putɛyiila n tari hɔ bii ho nɛra n ki. Kaalɛ zaseŋɔ yele wa zuo n de “Mam Wan Ta’an Nyɛ Subuɣelegɔ Yɛla Baabule La Poan?”

• Bisɛ sogɛa kpɛ’ɛma ayima n yeti “eŋa suure n yuun kãbɛ ge ti a ka ti’isa nɛreba yele” n pa’alɛ Baabule la n soŋɛ en se’em ti a tara beere sa’am puti’irɛ. Bisɛ vidiyo la zuo n de I Put Down My Rifle.

Basɛ ti yuunɛ 2024 dɛna yuun sonɛ bɔ’ɔra hon la ho deodoma. Zamesɛ baŋɛ Baabule la n wan ta’an soŋɛ ho se’em. Ho san bɔta, nɛra wan soŋɛ hɔ ti ho zamesɛ Baabule la zaŋa. Zamesɛ baŋɛ Naayinɛ n wan soŋɛ ho se’em ti ho ‘ti’isa suma’asum yɛla’ ge kelum basɛ ti ho ‘beere ta ana soŋa.’​​—Yeremia 29:11.