‘Ya Wan Wum Zaberɛ Yɛla’

John Simpson n boi BBC tuna lasebaarɛ yɛla yeti, “Yuun 1960 bɔba ti mam pɔsɛ tuna lasebaarɛ tuuma. Mam bo zaberɛ lasebaarɛ gaŋɛ 40 tingole wa za’a poan. Mam yuun nyɛ zabɛ sɛka ti ba yi’ira ku ti Cold War la n yuun pɔsɛ se’em mɛ ge nyaa ta gaŋɛ nu’usi la. Ge mam ka tabelɛ nyɛ zaberɛ yɛla ti mam suure sa’am wuu yuun 2025. Se’ere n sɔi la, zaberɛ zo’e zo’e n kɔ’ɔn bɔna. Leyɛ’ɛsa, zaberɛ ana wa sa’am la yɛla zo’e zo’e tingɔŋɔ wa zuo. (Tomam mea n eŋɛ zɛ’an kayima bold.)

Zaberɛ n kɔ’ɔn wi’ira tingɔŋɔ wa zuo se’em la basɛ ti nɛreba ba’ɛ fabela mɛ. Wana wa basɛ ti nɛreba ti’isa ti zaberɛ wan malum tole? Yezu yuun pa’alɛ la bem?

Yezu n yuun pa’alɛ sɛla

Yezu yuun puɣum tɔɣɛ yelese’a n iti wa yele mɛ. A yuun yele a podɔleba la yeti: ‘Ya wan wum zaberɛ yɛla ge sɔsa zaberɛ sɔsega.’—Matu 24:6.

La boi bim ti zaberɛ n boi zina beere wa se’em la, basɛ ti la wuna to mɛ ge to tari beere sa’am puti’irɛ. Bem zuo? Se’ere n sɔi la, Yezu yuun yeti, zaberɛ n basɛ ti daaŋɔ paara nɛreba se’em, la yɛla n teeri se’em la dela sɛla n “pa’alɛ” ti to boi la “ba’ahegɔ” dabesa la poan. (Matu 24:3; Luke 21:7) Wana wa pa’alɛ ti la kan yue zaberɛ kan le bɔna. Sore kani poan?

Yezu n wan eŋɛ sɛla

La kan yue Yezu n de Naayinɛ Na’am la Naba la, wan basɛ ti “se’em ka le bɔta zaberɛ.”—Yooma 46:9.

Ho san bɔta ti ho zamesɛ baŋɛ suma’asum n wan ta bɔna tingɔŋɔ wa zuo se’em, la vom n wan ta ana se’em, kaalɛ zaseŋɔ yele la zuo n de “How War and Violent Conflict Will End.”