Nɛreba Zo’e Zo’e Fabeli Mɛ La Social Media N Daani Bunbilipaalesi Se’em La

Yuun 2025 poan, gɔmɛt kpɛ’ɛndoma zo’e zo’e kɔ’ɔn fabela mɛ la social media n daani bunbilipaalesi se’em. Tiŋa kayima bo la lɔɔ ti nɛra san ka paɛ yuun 16, a kan ta’an tara social media tuna tuuma. Tisi sise’esi me ti’iseri ti ba eŋɛ la bala.

Hali, bunbilipaalesi basɛba puɣum mina ti social media wan ta’an daam ba. Pew Research Center n boi United States yuun eŋɛ la viisegɔ nyaa tɔɣɛ bamam n nyɛ sɛla April 2025 poan ti “bunbilipaalesi n de yuuma 13 ta paɛ 17 basɛba yeti [social media] kɔ’ɔn sa’ana bamam tadaandoma mɛ.”

Imma’asum tuntuneba me pa’alɛ ti social media kɔ’ɔn basɛ ti bunbilipaalesi basɛba tara la puti’ira bã’a. Yuun 2024 poan, Dr. Vivek Murthy, n yuun de U.S. surgeon general la yuun yeti: “Puti’ira bã’a dela sɛla n paari bunbilipaalesi ti la dɛna dɛŋa bɔ’ɔra ba. Social media me n laɣum ta’asɛ yele la.”

Dɔɣereba wan eŋɛ la wani te’ele ba kɔma social media dɛŋa wa poan? Baabule la bo la ka’aŋɔ n wan ta’an soŋɛ dɔɣereba.

Dɔɣereba n wan ta’an eŋɛ sɛla

Bisɛ Baabule naresum yɛla wa.

“Yam pɔ’ɔlom daana sakere sɛla woo mɛ, ge se’em n yehegɛ ne magahɛ a behɛ mɛ.”—Magaha 14:15.

Social media wan ta’an sa’am ho bia. Bala, da bisɛ ti la dela pɛ̃regerɛ ti ho basɛ ti a kɛ̃’ɛra bim. Ge ti ho bo yɔ’ɔ ti ho bia la kɛ̃ social media poan la, bisɛ ti a dela se’em n tari yɛm n wan dɔla hon pa’alɛ en sansɛka ti la nara ti a kɛ̃’ɛra bim, kan bisera yeleyooro ge me tara zɔsoma ti ba wan ta’an sɔsera ge daɣɛ fon poan ma’a.

• Ho san bɔta ti ho zamesɛ yɛla pa’asɛ, kaalɛ zaseŋɔ yɛla la zuo n de “Should My Child Use Social Media?” la “Teaching Your Teenager Social Media Safety.”

‘Tara ya saŋa la tuna soŋa soŋa.’—Epesus 5:16.

Ho san bo yɔ’ɔ ti ho bia kɛ̃’ɛra social media poan, basɛ ti a baŋɛ eŋa n wan bɔna bim ta paɛ se’em ma’a, yelese’a n nari ti a bisera, la hon n pa’alɛ en yelese’a la n wan soŋɛ en se’em. Bisa ho bia la soŋa. Ho san nyɛ ti a halɛ n teeri, basɛ ti a sigese eŋa n kɛ̃’ɛri social media poan se’em la.

• Dekɛ guleŋɔ vidiyodoma la zuo n de Mina Hon Wan Lɔɣesa Homea Se’em Intanɛt Tuuma Zɛ’an soŋɛ ho bia ti a bɔkɛ sɛla n sɔi ti la nara ti a sigese eŋa n kɛ̃’ɛri social media poan se’em la.

Dɔɣereba san bɔta ti ba baŋɛ Baabule la n pa’alɛ bamam n wan ta’an eŋɛ sɛla pa’asɛ, ba kaalɛ zaseŋɔ yele la zuo n de “Imma’asum Tuuntuneba Kpɛ’ɛma Ayima N Pa’alɛ Social Media N Daani Bunbilipaalesi Se’em—Baabule La Yeti Bem?”

Zamesɛ Yɛla Pa’asɛ

Baabule la yeti to boi la sansɛka ti “la wan kpe’em bo nɛreba.” (2 Timoti 3:1-5) Ge la me bo’ori to la ka’aŋɔ n wan soŋɛ tɔ ti to ta’an kɔ’ɛ to puti’irɛ soŋa yɛla poan. Zaseŋɔ yele la zuo n de “Baabule La Yeti Bem La Bunbilipaalesi Zo’e Zo’e N Kɔ’ɔn Tara Puti’ira Bã’a La?” tari la zaseŋɔ yɛla, la vidiyodoma n gaŋɛ 20 n wan soŋɛ dɔɣereba, la ba kɔma.