Yezu Saŋa Ta Paɛ Tuntuna Yon Saŋa

Bɔberɛ wa poan, to wan zamesɛ yelese’a n eŋɛ paɛ wuu yuun kɔbega. To wan sɔsɛ Yuda tiŋa pugela yu’urɛ n de Mary yele. Mary yuun nan ka gã’arɛ la buraa kurum. A me yuun siregeri la amea. Yehowa yuun bo en la tuunɛ n boi de to’ore ti nɛra ka tabelɛ tum dɛ. To me wan sɔsɛ nɛreba basɛba n yuun tari sukpe’ene yele. Basɛba dela Yon Ko’om Musegadaana la, tuntuna Peter, Mary Magdalene, Steven, la tuntuna Paul. Ki’i zuo la poan, to wan sɔsɛ tuntuna Yon yele. Yezu yuun nɔŋɛ en mɛ paa. Sɛba ti to wan zamesɛ ba yele la za’a yuun nari ti ba tara sukpe’ene bɔŋa to’ore to’ore poan. Makerɛ, basɛba yuun dekɛ la sukpe’ene mɔɔlɛ Mɛzaaya la yele, la ka pakɛ la bamea nɛreba n yuun ka keleseri la. Basɛba me yuun kɔ’ɔn tɔɣesa la Yezu ge me mɔɔla a yɛla, la ka pakɛ la nɛreba n yuun yaɛ ba la.