Eprepara umi komentário oporomokyreʼỹva

Umi rreuniónpe káda uno jareko peteĩ priviléhio iporãitereíva. Ikatu ñamokyreʼỹ ñane ermáno ha ermanakuérape umi ñane komentário rupive (Heb. 10:​24, 25). ¿Mbaʼéichapa ikatu japrepara umi komentário oporomokyreʼỹtava?

• Eñemboʼe Jehovápe. Ejerurékena Jehovápe tanepytyvõ eprepara hag̃ua peteĩ komentário ikatúva ombotuicha chupe ha omokyreʼỹtava ótrope (Sal. 35:18).

• Eñehaʼãkena ekomenta nde pyʼaite guive ne ñeʼẽtépe, ha ani releénte pe puvlikasión heʼíva. Eñehaʼãramo ekomenta ne ñeʼẽtépe, umi ótro katuete oñevenefisiáta pórke ohechakuaáta mbaʼeichaitépa rejerovia Jehováre.

• Mbykymínte vaʼerã la ne komentário. Heta vése umi komentário mbykýva ha isensillomínteva la oporomokyreʼỹvéva. Péicha avei entéro orekóta oportunida okomenta hag̃ua (Prov. 10:19).

• Ne komentário siémpre ipositívo vaʼerã. Aníkena eipuru ne komentário eporokritika ni remeʼẽ hag̃ua konsého ótro ermáno térã ermánape.

Noñemeʼẽiramo jepe ndéve komentário, lomímonte ikatu hína eporomokyreʼỹ. Upearã eñehaʼã ejapysaka porã umi okomentávare ha upéi ere pe ermáno térã ermánape mbaʼe mbaʼépa la ndegustavéva kuri ikomentáriogui (Prov. 10:21).