¿Mbaʼeichagua rrédpa la hénte oipuru vaʼekue yma opeska hag̃ua?

La majoría oleéva la Biblia imanduʼáne Jesús segidorkuéra apytépe oĩ hague umi ombaʼapóva péskape (Mar. 1:​16-20). Haʼekuéra oipuru vaʼekue umi rred opeska jave Mar de Galiléape.

¿Mbaʼéichapa ojejapo vaʼekue umi rred? La hénte upe tiémpope oipurúmi vaʼekue pióla térã ílo de líno ha oñapytĩ ohóvo ojuehe ojapo hag̃ua peteĩ rred. Pe rred ojejapo vaʼekue asegún mbaʼeichagua pirápa ojejagarrase. Por ehémplo umi pira michĩramo ojejapo umi rred ikuára michĩva, péro umi pira tuichárõ ojejapo umi rred ikuára guasu guasúva. Umi rred michĩvape oñemoĩ jepi ita térã plómo oñapymi hag̃ua, péro umi rred tuichavévape katu iguýpe oñemoĩ vaʼekue ita oñapymi hag̃ua ha ipúntare yvyra térã kórcho ovevýi hag̃ua, péicha ikatu vaʼekue ombotyryry hikuái umi rred pe ýpe.

Upe tiémpope hepy vaʼekue umi rred. Umi ita oĩva ýpe ikatu vaʼekue ombyai umi rred, térã ikatu vaʼekue osoro algúna pártepe ipohyieterei rupi umi pira ojejagarráva (Luc. 5:6). La Bíbliape heʼi Santiago ha Juan ‘orremenda hague umi rred’, ha upearã oipurúne raʼe hikuái peteĩ ju ha ílo de líno (Mat. 4:21). Provávlemente umi peskadór ojapo vaʼekue upéva káda ke oipurupa umi rred. Lucas heʼi umi peskadór ‘ojohéi hague umi rred’, péva ojejapómi vaʼekue ojepeʼapa hag̃ua umi mbaʼe kyʼa opytáva hese (Luc. 5:2). Upéi omyasãi hikuái yvate ikã hag̃ua pono ou itujupa (Ezeq. 47:10).

Jesús oinvita vaʼekue umi kuimbaʼe opeskakuaávape “ojagarra hag̃ua hénte ojagarraháicha pira” (Mar. 1:17).