¡Opáta umi ivioléntova ha ndochaʼéiva hapicháre! ¿Mbaʼépa heʼi la Biblia?

Koʼág̃arupi la hénte amás día iviolentove ha ojapo heta mbaʼe vai hapichakuéra kóntrape ndochaʼéigui hese. Oĩ voi algúno oatakáva hapichápe sólamente ipire kolór diferénte haguére, oĩ haguére ótro rrelihiónpe, haʼe rupi ótro paisgua, haʼe haguére kuña térã kuimbaʼe, ha hetave mbaʼére. Koʼã mbaʼe káusare ningo la hénte okyhyjeháre oiko, oñetraumamba, oñelastima voi chupekuéra ha algúnope inklúso ojejuka voi.

La Biblia heʼíma vaʼekue voi ñane tiémpope oĩtaha hetaiterei hénte ‘isalváheva, ndaijaʼemoʼãiva mbaʼeve iporãvare’ ha ‘ndohayhumoʼãiva ni ihéntepe’ (2 Timoteo 3:1-5). ¿Péro opánepa algúna ves umi hénte ivioléntova ha ndochaʼéiva hapicháre? ¿Mbaʼépa heʼi la Biblia?

Mbaʼéichapa opáta umi mbaʼe vai

La Biblia ndeʼíri sólamente Ñandejára ikatuha oipeʼa umi mbaʼe vai oikóva koʼág̃arupi, síno oasegura ojapotaha voi katu upéva.

• “Umi iñañáva oñehundíta [...]. Péro umi hénte ivuénova opytáta ko yvy ape ári, haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre” (Salmo 37:9-11). Ñandejára nopermitimoʼãvéima umi hénte ivioléntova operhudika hapichápe.

• “Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva” (Apocalipsis 21:4). Ñandejára ningo koʼẽrõitéma omongueráta entéro umi persóna orekóvape provléma iñakãme, orekóva tráuma ha ojeperhudika vaʼekuépe umi hénte ivioléntova káusare.

• ‘Umi omano vaʼekue oikove jeýta’ (Isaías 26:19). Umi hénte ivioléntova ningo heta persónapema ojuka, péro Ñandejára opromete omoingove jeytaha umi omano vaʼekuépe, ha umíva apytépe oĩ avei haʼekuéra.

Oĩramo ndochaʼéiva nderehe térã nde voi nderechaʼéiramo ótrore

La Biblia ningo ndahaʼéi omeʼẽnteva ñandéve esperánsa, síno ñanepytyvõ ñaaguanta hag̃ua oiméramo oĩ algúno ndochaʼéiva ñanderehe, ha avei ñanepytyvõ ñakambia hag̃ua oiméramo ñande voi ndajachaʼéi ótrore. Ehechamína mbaʼéichapa la Biblia okontesta koʼã porandu iñimportantetéva:

• Oiméramo ndajachaʼéi ñande rapicháre ha ñaneviolénto, ¿mbaʼépa ikatu jajapo koʼág̃a jasupera hag̃ua upéva? Eikuaaséramo mbaʼépa la Biblia heʼi ko témare, elee pe rrevísta Ñemañaha hérava “¡Nde ikatu ndepuʼaka pe ódiore!”.

• ¿Mbaʼérepa Ñandejára oheja koʼág̃a peve jahasa asy? Ehechamína mbaʼéichapa la Biblia oexplika porãiterei upéva pe vidéo héravape ¿Mbaʼérepa Ñandejára oheja jasufri?