¿Mbaʼéichapa ikatu rentende umi ehémplo oĩva la Bíbliape?

La Bíbliape jatopa umi ehémplo ñanemboʼéva heta mbaʼe. Péro heta héntepe ijetuʼu ontende hag̃ua umi ehémplo (Mat. 13:13). Upévare, ¿mbaʼépa ikatu nepytyvõ rentende hag̃ua mbaʼépa heʼise umi ehémplo? Etanteamína ejapo koʼã mbaʼe:

• Eñehaʼã epilla mbaʼépa pe téma ha mbaʼépa la ehémplo. Ñamoĩ chupe releeha Apocalipsis 3:​3, upépe ojeʼe Jesús outaha peteĩ mondaháicha. Upéicharõ pe téma hína Jesús outaha, ha oñekompara chupe peteĩ mondaháre, ha upéva hína la ehémplo.

• Ehecha mbaʼépepa ojojogua pe téma ha pe ehémplo. Ekalkula mbaʼérepa peteĩ mbaʼe oñekompara ótra kósare.

• Ejasegurákena rentende porãpa hína la heʼiséva pe ehémplo. Sapyʼánte ikatu hína ñantende vai la ñanemboʼeséva peteĩ ehémplo. Pe ehémplo ajeʼi ñamensionáma vaʼekue ndeʼiséi hína Jesús ouha ñanemonda hag̃ua. Umi ótro versíkulo ñanepytyvõ ñantende hag̃ua Jesús outaha la hénte ohaʼarõʼỹve jave chupe, ojapoháicha peteĩ mondaha.