PORANDU 7
¿Mbaʼépa heʼi la Biblia oikotaha ñane tiémpope?
“Peteĩ país opuʼãta ótro país rehe, ha umi goviérno opuʼãta ojuehe. [...] Oiko vove koʼã mbaʼe, péva ohechauka oñepyrũ ramoha umi sufrimiénto”.
“Heta proféta japu opuʼãta ha ombotavýta heta héntepe. Ha hetave rupi umi iñañáva, hetaiterei hénte oúta ndojoayhuvéi”.
“Peẽ pehendu vove oikoha gérra heta hendárupi, ani peñemondýi. Koʼã mbaʼe oiko vaʼerã voínte, upéicharõ jepe ndahaʼemoʼãi gueteri pe fin”.
“Oĩta yvyryrýi tuicháva, ápe ha pépe oĩta ñembyahýi ha opaichagua mbaʼasy. Umi hénte ohecháta heta mbaʼe oporomongyhyjéva, ha ojekuaáta yvágare umi señál”.
“Umi ára pahápe pe situasión ijetuʼúta ha ipeligrósota. Pórke umi hénte ojepyʼapýta ijehénte, iplatarayhúta, oñembotuicháta, oñemombaʼeguasúta, oñeʼẽ vaíta Ñandejárare ha hapicháre, naiñeʼẽrendumoʼãi ituakuérape, imalagradesídota, ombotavýta hapichápe, ndohayhumoʼãi ihéntepe, ndoikoporãsemoʼãi avavéndi, oñeʼẽ reíta ótrore, ndojejokokuaamoʼãi, isalváheta, ndaijaʼemoʼãi mbaʼeve iporãvare, itraisionérota, ikaprichósota, ijorgullósota, ojapóta chupekuéra ogustávante ohayhu rangue Ñandejárape, haʼetétavaicha oservíva Ñandejárape, péro hekovére ohechaukáta ndoikoiha upéicha”.