PORANDU 6
¿Mbaʼépa oprofetisa raʼe la Biblia pe Mesías rehe?
PROFESÍA
“Nde, Belén Efrata, [...] ndehegui oúta pe ogovernátava Israélpe che rérape”.
MBAʼÉICHAPA OÑEKUMPLI
“Jesús onase Belénpe, oĩva Judéape, rréi Herodes tiémpope. Upéi, pe ésteguio ou Jerusalénpe umi kuimbaʼe oadivináva omañávo estrellakuérare”.
PROFESÍA
“Haʼekuéra oñombojaʼo che ao rehe, ha osortea hikuái ohecha hag̃ua mávapepa opytáta”.
MBAʼÉICHAPA OÑEKUMPLI
“Umi soldádo oklava rire Jesúspe yvyráre, ojagarra Jesús ao joʼaha, omondoro 4 hendápe [...]. Ha ojagarra avei pe ijao iguypegua, péva noñembovyvýi síno ojetehe de unoite. Upévare heʼi ojupe: ‘Ani ñamondoro, jasorteántena jadesidi hag̃ua mávapepa opytáta’”.
PROFESÍA
“Ñandejára oñangareko ikanguére, ha ni peteĩva noñemopẽi chugui”.
MBAʼÉICHAPA OÑEKUMPLI
“Umi soldádo oñembojávo Jesús rendápe, ohecha hikuái haʼe omanóma hague, upévare nomopẽi chugui hetyma”.
PROFESÍA
“Chupe ojekutu ñande pekádore”.
MBAʼÉICHAPA OÑEKUMPLI
“Peteĩ soldádo oikutu chupe ilánsape ikostádope, ha osẽ chugui tuguy ha y”.
PROFESÍA
“Opaga chéve hikuái che suéldo, ohupytýva 30 monéda de pláta”.
MBAʼÉICHAPA OÑEKUMPLI
“Upe rire, peteĩva umi 12 apóstol apytégui, hérava Judas Iscariote, oho umi saserdóte prinsipál rendápe. Haʼe heʼi chupekuéra: ‘¿Mbaʼépa pemeʼẽta chéve atraisionáramo Jesúspe?’. Haʼekuéra oofrese chupe 30 monéda de pláta”.