જૂનો સ્વભાવ ઉતારી નાખો અને નવો સ્વભાવ પહેરી લો

૩:૫-૧૪

યહોવાના ભક્ત બનવા શું તમારે મોટા મોટા ફેરફારો કરવા પડ્યા હતા? એ માટે તમે જે મહેનત કરી હતી એનાથી યહોવા જરૂર ખુશ થયા હશે. (હઝ ૩૩:૧૧) પણ બની શકે કે જૂના સ્વભાવનો રંગ પાછો આવવા લાગે. એની સામે આપણે સખત લડતા રહેવું જોઈએ. નવો સ્વભાવ કેળવવામાં પાછા ન પડીએ એનું પણ ધ્યાન રાખવું જોઈએ. નીચેના સવાલો તપાસો અને જુઓ કે તમારે કયાં પાસાઓમાં સુધારો કરવાની જરૂર છે:

• કોઈએ મને દુઃખ પહોંચાડ્યું હોવાથી, શું તેમના પ્રત્યે ખાર રાખું છું?

• હું ઉતાવળમાં હોઉં કે થાકી ગયો હોઉં ત્યારે, શું ધીરજ ખોઈ બેસું છું?

• કોઈ ગંદો વિચાર આવે તો, શું એને તરત જ મનમાંથી કાઢી નાખું છું?

• શું બીજી જાતિ કે બીજા દેશના લોકો વિશે ખરાબ વિચારું છું?

• શું હાલમાં કોઈને એલફેલ બોલી ગયો છું કે કોઈના પર ગુસ્સે થયો છું?