Desobedecín a meus pais… E agora que?

Case tódalas familias teñen regras, quizais sobre a hora límite para chegar a casa, sobre o uso da tecnoloxía ou sobre a forma de comportarse, por falar dalgunhas.

Pero, e que hai se desobedeciches a teus pais? Non podes cambiar o que fixeches, pero si podes evitar que as cousas vaian a peor. Neste artigo aprenderás que podes facer nestes casos.

• O que non debes facer

• Unha opción mellor

• O que opinan outros mozos

O que non debes facer

• Se teus pais non saben que os desobedeciches, quizais sentas a tentación de ocultalo.

• Pero se saben que non seguiches as normas, quizais sentas a tentación de poñer escusas ou de botarlles a culpa a outros.

Ningunha desas ideas é unha boa opción. Por que? Porque ocultar o que ocorreu ou poñer calquera escusa non é de persoas maduras. Se o fas, teus pais pensarán que non es moi responsable.

“Contar mentiras nunca é a solución. Co tempo vaise saber a verdade e o castigo vai ser aínda peor que se dixeses a verdade dende o principio” (Diana).

Unha opción mellor

• Admite o que fixeches. A Biblia di: “Quen esconde as súas faltas, non prosperará” (Proverbios 28:13). Teus pais saben que non es perfecto. Pero a pregunta é, podes ser sincero?

  “Teus pais serán máis comprensivos se lles contas a verdade. Se o fas, vanse fiar máis de ti” (Olivia).

• Pide desculpas. A Biblia di: “Revestídevos todos vós dun pensar humilde” (1 Pedro 5:5). Fai falta ser humilde para pedir perdón e non poñer unha chea de escusas.

  “As persoas que poñen escusas unha e outra vez acaban silenciando a súa conciencia. Co tempo, xa non lles molesta facer cousas malas” (Heather).

• Acepta as consecuencias. A Biblia di: “Atendede a instrucción [ou disciplina]” (Proverbios 8:33). Non te queixes e acepta o castigo que che poñan teus pais.

  “Canto máis te queixes do castigo, peor vai ser. Acepta o castigo e non te centres no que perdiches” (Jason).

• Volve a gañar a súa confianza. A Biblia di: “Debedes quitarvos a vella personalidade, que se corresponde co voso comportamento anterior” (Efesios 4:22, TNM). Esfórzate por tomar boas decisións para que teus pais volvan confiar en ti.

  “Se tomas boas decisións e lles demostras que non vas cometer o mesmo erro de novo, pouco a pouco teus pais volverán confiar en ti” (Karen).

CONSELLO: Fai todo o que poidas para demostrar que es de fiar. Por exemplo, a próxima vez que saias, avisa a teus pais cando vaias para casa, aínda que non vaias chegar tarde. Isto demostraralles que queres recuperar a súa confianza.