Como entender as comparacións da Biblia

Na Biblia encontramos centos de comparacións, pero a moitos lles custa entendelas (Mat. 13:13). Que pode axudarche a entender ben o que significan? Intenta o seguinte:

• Fíxate en cal é a idea principal e con que se lle compara. Por exemplo, Apocalipse 3:3 compara o momento no que chegue Xesús (a idea principal) coa chegada dun ladrón (a comparación).

• Comprende en que se parecen a idea principal e a comparación. Encontra as características e as calidades que fan que sexan similares.

• Chega á conclusión correcta. Ás veces, pódense malinterpretar as comparacións. No exemplo de antes, Xesús non vén para roubar nada. Máis ben, o contexto móstranos que Xesús virá nun momento inesperado, coma un ladrón que vén sen avisar.