O horror da guerra
Poucos sucesos afectan tanto ás persoas como a guerra e os conflitos violentos. Tanto soldados coma civís que pasaron por unha guerra saben o terrible que é.
SOLDADOS
“Ves constantemente como asasinan ou feren gravemente á xente. Nunca te sentes seguro” (Gary, O Reino Unido).
“Fun alcanzado polas balas tanto nas costas como na cara e vin morrer a moitos, incluídos nenos e maiores. A guerra déixate insensible” (Wilmar, Colombia).
“Cando disparan a alguén diante túa, non podes deixar de pensar nese momento. Ves e escoitas a esa persoa berrar e sufrir constantemente. Nunca te esqueces dela” (Zafirah, Os Estados Unidos).
CIVÍS
“Sinto que non volverei a ser feliz nunca. Tes medo de perder a vida, pero sobre todo de perder a túa familia ou os teus amigos” (Oleksandra, Ucraína).
“Aterrorizábanos ter que facer cola para conseguir comida dende as 02:00 ata as 23:00, sen saber se seriamos alcanzados por unha bala nalgún momento” (Daler, Taxiquistán).
“A guerra quitoume os meus pais. Deixoume orfa, sen ninguén que me consolase nin que coidase de min” (Marie, Ruanda).
A pesar de que sufriron pola guerra, agora estas persoas encontraron consolo. Ademais, están convencidas de que tanto a guerra coma os conflitos violentos acabarán pronto. Este número de A Atalaia usará a Biblia para explicar como isto é posible.