Aroni Kabonganaan te Booma ae Please Follow Up (S-43)

E riai ni kanoaaki te booma aei ngkana ko kaitiboo ao ni maroro ma te aomata ae kan ongora ma e maeka n te abamwakoro teuana ke n te aba teuana.

Tera ae ti riai ni karaoia imwini kanoaakin te booma aei? Ti riai n angan te tia koroboki n te ekaretia. Ngkana e ataa ana abamwakoro te aomata are e kan ongora te tia koroboki n te ekaretia, e kona ni butiia taan uarongorongo n te abamwakoro anne bwa a na reitaanako te reirei ma ngaia. Ma ngkana e roko man te aba teuana, e riai te tia koroboki n te ekaretia n anga te booma anne nakon te aobiti n tararua. E riai te aobiti n tararua n reitaki ma taari ake n te aba anne ao ni kakoauaa raoi bwa a reitaanako te reirei ma te aomata anne.

Ngkana e taetae n te taetae are tiaki oin ana taeka te aomata are e kan ongora ao ni maeka n am aono, ko riai n teimatoa ni kakawaria ni karikirakea te kan ongora irouna ao ni karekei booki ao maekatin man am ekaretia n oin ana taetae.