MWAKORO 8
A Boni Koro Bukin Taetae ni Burabeti Ake n te Baibara
E aki tii taekini karakinan rimoa aika koaua te Baibara, ma e taekini naba bwaai aika a na riki n te tai ae imwaira. A aki kona n taekina kanoan te tai ae na roko aomata. Anne bukina ae ti ataia iai bwa te Baibara bon te boki mairoun te Atua. Tera ae taekinaki n te Baibara ibukin te tai ae imwaira?
E taekinaki iai te buaka ae kakannato ae ana buaka te Atua. N te buaka aei ao e na kaitiaka te aonnaba te Atua ni kamaunaa te buakaka ni kabane ao aomata aika buakaka, ma e na kamanoia ake a toro irouna. Iesu Kristo are e kaueaki iroun te Atua, e na tabeakina aroia ana toro te Atua bwa a na namakina kakimwareirein te rau ma te kukurei, ao a na aki manga aoraki ke ni mate.
Tiaki ti na kukurei ngkana e a karaoa te baretaiti ae boou te Atua n te aonnaba? Ma iai te bwai ae ti riai ni karaoia moa, bwa ti aonga ni maiu n te baretaiti aei. N te kabanea ni karaki n te boki aei, ao ti na reiakina iai te bwai ae ti riai ni karaoia bwa ti aonga ni kimwareirei ni bwaai aika kakukurei, ake e na katauraoi te Atua ibukia te koraki ake a toro irouna. Mangaia are wareka MWAKORO 8, ao ko na kunea bwa tera ae e a kaman taekinna te Baibara bwa e na riki n te tai ae imwaira.