Thomas Jackson/Stone via Getty Images
TEIMATOA N TANTANI!
Karekean te Kantaninga ae Raoiroi n 2024—Tera ae E Taekinna te Baibara?
A mwaiti aika a iangoia bwa a aikoa kona ni katokaki kangaanga n te aonnaba n 2024. Ma e ngae n anne, e boni kona n reke te kantaninga n taai aika a na roko. E na reke ia?
E anga te kantaninga te Baibara
E berita te Baibara bwa e na katoki kangaanga nako te Atua aika kabwaranano. E na waekoa ni “kaoa te rannimata ni kabane mai [matara], ao e nang akea riki te mate, ke te nanokawaki ke te tang ke te maraki.”—Te Kaotioti 21:4.
Ngkana ko kan reiakin riki berita man te Baibara ibukin taai aika imwaira, wareka te kaongora ae “A Real Hope for a Better Tomorrow.”
Aron te Baibara ni buokiko ngkai
E katauraoa te kantaninga te Baibara ibukin taai aika imwaira, ae e na kona ni buokiko n taobaraa namakinan te bwarannano ao ni kaungako bwa ko na kabotoa am iango i aoni baika raraoi. (I-Rom 15:13) A kona naba ni buokiko ana taeka n reirei aika manena te Baibara bwa ko na rabakau ni kaaitarai kangaanga aika ko rinanoi ngkai, n aron te maiu ni kainnano, te ribuaka, ao te aoraki.
Noria bwa e kangaa te kantaninga man te Baibara ni buoka temanna te mwaane bwa e na karekea te rau ao te kukurei, n aki ongea ikawairakena i nanon te maiu ni kainnano. Mataku n te taamnei ae Juan Pablo Zermeño: E Anganai Maiu ae Manena Iehova.
Ukeria bwa e kangaa te Baibara ni kona ni buokiko n tokanikai i aon namakinan te uringaaba imwini karaoan te kairua, te rawawata, te tabeaianga, ao te nanokawaki ni buan ae tangiraki iroum. Wareka te kaongora ae “Can I Find Words of Comfort in the Bible?”
Nora aron te tautia ae kabwarabwaraa taekana bwa te aine ngaia ae e “bangaomata ao n aki nananoanga,” ngke e a reke irouna te kantaninga man te Baibara. Nora te taamnei ae I Put Down My Rifle.
Karika 2024 bwa te ririki ae nakoraoi ibukim ma am utu. Reiakina riki aron te Baibara ni kona ni buokiko. Kataa te reirei n te Baibara ae e aki kabooaki. Reiakina aron te Atua ni kona n anganiko “te rau” ngkai, n ikotaki naba ma “te bwai ae raoiroi nakon taai aika a na roko, ao te kantaninga.”—Ieremia 29:11.