Taani Kairiri n te Tautaeka Aika A Babakanikawai—Te Bwai ae E na Karaoia Ana Tautaeka n Uea te Atua

A tangiriia taani kairiri n te tautaeka aika kona n onimakinaki aomata; a a korakai nanoia irouia taani kairiri n te tautaeka aika babakanikawai. N te kakaae ae kabutaa te aonnaba are e karaoaki n 2023, ao e kaotaki iai bwa a mwaiti aomata ake a taekinna ae a aki onimakinia taani kairiri n te tautaeka.a

E kabwarabwaraa te Baibara taekan te tia Kairiri temanna, are e kona n onimakinaki raoi ma ni bwabwaina te koaua, ao e aki babakanikawai. Te tautaeka anne bon Ana Tautaeka n Uea te Atua ao te tia Kairiri iai bon Iesu Kristo.—Itaia 9:7.

E kaotia Iesu ni baike e karaoi bwa e mwamwannanoia aomata ni koaua. (Mataio 9:35, 36) Ngkai te Uea ngaia n Ana Tautaeka n Uea te Atua, e na karaoa te kaetitaeka ae riai ao n uota te rau nakoia aomata ni kabane ake a butimwaea ana kairiri.—Taian Areru 72:12-14.